Prabhas: 'స్పిరిట్' లో కాజోల్ ఎంట్రీ.. డార్లింగ్ లుక్ లీక్ కాకుండా వంగా మాస్టర్ ప్లాన్!

Prabhas: 'స్పిరిట్' లో కాజోల్ ఎంట్రీ.. డార్లింగ్ లుక్ లీక్ కాకుండా వంగా మాస్టర్ ప్లాన్!

రెబల్ స్టార్ ప్రభాస్ , బ్లాక్ బస్టర్ చిత్రాల దర్శకుడు సందీప్ రెడ్డి వంగా కాంబినేషన్ లో వస్తున్న  అత్యంత ప్రతిష్టాత్మక పాన్ వరల్డ్ ప్రాజెక్ట్ ' స్పిరిట్ ' ఈ సినిమాపై రోజు రోజుకూ అంచనాలు తారా స్థాయికి చేరాయి.. లేటెస్ట్ ఈ సినిమాకు సంబంధించిన కీలక అప్టేట్ ఒకటి సోషల్ మీడియాలో హల్ చల్ చేస్తోంది. ఈ మూవీలో బాలీవుడ్ స్టార్ నటి  కాజోల్ ఒక కీలక పాత్రలో నటించనున్నారని తెలుస్తోంది. 

కాజోల్ రాకతో పెరిగిన హైప్

అయితే ఈ మూవీలో కాజోల్ పాత్రపై వివరాలు గోప్యంగా ఉన్నప్పటికీ.. ఆమె చేరికతో ఈ సినిమాకు మరింత హైప్ ను తీసుకువస్తుందని అంచనా వేస్తున్నారు మేకర్స్.  'కబీర్ సింగ్', 'యానిమల్' వంటి చిత్రాల ద్వారా ఎమోషనల్ డ్రైవెన్ యాక్షన్ కథలను అందించడంలో సందీప్ రెడ్డి వంగాకు పేరు ఉంది. దీంతో ఈ ప్రాజెక్ట్‌పై కూడా అంచనాలు తారా స్థాయికి చేరాయి. పాన్ వరల్డ్ ప్రాజెక్టుగా తెరకెక్కిస్తున్న ఈ సినిమాలో ప్రభాస్ ఒక పవర్ ఫుల్ పోలీస్ ఆఫీసర్ పాత్ర పోషిస్తున్నారు. ఈ నేపథ్యంలో డార్లింగ్ పాత్రకు సంబంధించిన లుక్ లీక్ కాకుండా ఉండేందుకు కొన్ని నెలల పాటు ప్రభాస్ బహిరంగ కార్యక్రమాలకు దూరంగా ఉండాలని సూచించినట్లు  సమాచారం.

రణ్‌బీర్ కపూర్ కామియోతో వంగా

ఈ చిత్రంలో కీలకమైన మరొక ఆసక్తికర అంశం ఒకటి సోషల్ మీడియాలో చక్కర్లు కోడుతుంది. 'యానిమల్' స్టార్ హీరో రణ్‌బీర్ కపూర్ అతిథి పాత్రలో కనిపించే అవకాశం ఉందని టాక్ వినిపిస్తోంది. కథలో ఒక కీలక మలుపు వద్ద రణ్‌బీర్ పాత్ర ఎంట్రీ ఉంటుందని, ఇది భారతీయ సినిమాలో ప్రభాస్, రణ్‌బీర్ కపూర్ ఒకే స్క్రీన్‌ను పంచుకునే చారిత్రక ఘట్టం కానుందని సినీ వర్గాలు చెబుతున్నాయి. దీనితో  సందీప్ రెడ్డి వంగా 'యానిమల్' సినిమాటిక్ యూనివర్స్‌ను 'స్పిరిట్'తో అనుసంధానం చేయాలని యోచిస్తున్నారనే ఊహాగానాలు బలపడుతున్నాయి.

టీ-సిరీస్ ఫిల్మ్స్ , భద్రకాళి పిక్చర్స్ సంయుక్తంగా అత్యంత భారీ స్థాయిలో నిర్మిస్తున్న ఈ చిత్రంలో, హీరోయిన్‌గా 'యానిమల్' ఫేమ్ త్రిప్తి దిమ్రీ నటిస్తోంది. అలాగే వివేక్ ఒబెరాయ్, ప్రకాష్ రాజ్ వంటి అగ్ర నటులు ఇతర ముఖ్య పాత్రల్లో కనిపించనున్నారు. ప్రకాష్ రాజ్ జైలర్ పాత్రలో కనిపించబోతున్నారని కూడా ప్రచారం ఉంది.

 రిలీజ్ ఎప్పుడంటే..?

ప్రస్తుతం ఈ సినిమా షూటింగ్ ప్రధానంగా హైదరాబాద్‌లో జరుగుతోంది. తదుపరి షెడ్యూల్స్ కోసం టీమ్ థాయిలాండ్, మెక్సికో వంటి అంతర్జాతీయ లొకేషన్లకు వెళ్లనుంది. ఈ భారీ యాక్షన్ ఎంటర్‌టైనర్ 2026 చివరిలో లేదా 2027లో ప్రపంచవ్యాప్తంగా విడుదల కానుంది. మెగాస్టార్ చిరంజీవి చేతుల మీదుగా నవంబర్ 23, 2025న ఈ సినిమా ముహూర్తం వేడుక అట్టహాసంగా ప్రారంభమైంది. హర్షవర్ధన్ రామేశ్వర్ సంగీతం అందిస్తున్న ఈ చిత్రం, యాక్షన్, ఎమోషన్ కలగలిసిన పవర్‌ఫుల్ పోలీస్ డ్రామాగా ప్రభాస్ కెరీర్‌లోనే ఒక మైలురాయిగా నిలవనుందని సినీ వర్గాలు అంచనా వేస్తున్నాయి..