దర్శకుడు ప్రశాంత్ వర్మ(Prasanth varma) అదిరిపోయే అప్డేట్ ఇచ్చారు. గత రెండు నెలలుగా సినీ లవర్స్ ఎదురుచూస్తున్న ఎగ్జైటింగ్ మూమెంట్ ను మొదలుపెట్టేశారు. హనుమాన్(HanuMan) సినిమా రిలీజ్ నుండి ప్రేక్షకులందరూ ఆ క్షణం కోసమే ఎదురుచూస్తున్నారు. ఇంతకీ ఆ మూమెంట్ ఏంటా అనుకుంటున్నారా? అదే జై హనుమాన్(Jai Hanuman) సినిమా షూటింగ్. అవును హనుమాన్ కు సీక్వెల్ గా జై హనుమాన్ ను అనౌన్స్ చేసినప్పటి నుండి ఆడియన్స్ ఆ సినిమా అప్డేట్స్ కోసం ఎదురుచూస్తున్నారు.
తాజాగా దర్శకుడు ప్రశాంత్ వర్మ తన ట్విట్టర్ ఖాతాలో ఒక ఫోటోను షేర్ చేశారు. ఆ ఫోటోకి బ్యాక్ టూ మై హ్యాపీ ప్లేస్.. బాబు రెడీ బాబు అంటూ రాసుకొచ్చాడు. దీంతో జై హనుమాన్ షూటింగ్ మొదలుపెట్టేశాడు అని అనుకుంటున్నారు ఆడియన్స్. అయితే ఈ వర్క్ జై హనుమాన్ కు సంబంధించిందా లేక ఆయన తీస్తున్న తరువాతి సూపర్ హీరో మూవీ అధీరాకి సంబందించిందా, లేదా ఏదైనా యాడ్ షూటా అనేది తెలియాల్సి ఉంది.
Back to my happy place ?
— Prasanth Varma (@PrasanthVarma) March 13, 2024
Babu.. ready babu! ??? pic.twitter.com/IxvNWrOrFR
అయితే నెటిజన్స్ మాత్రం ఇది జై హనుమాన్ షూటింగ్ అని అనుకుంటున్నారు. కారణం.. ఈమధ్య హనుమాన్ 50 డేస్ వేడుకల్లో త్వరలో జై హనుమాన్ మూవీ ఫస్ట్ లుక్ రిలీజ్ చేస్తానని చెప్పుకొచ్చారు. దీంతో ఆ సినిమాకు సంబందించిన పని మొదలుపెట్టాడు ప్రశాంత్ అని అనుకుంటున్నారు. ఇక జై హనుమాన్ ఫస్ట్ లుక్ శ్రీరామనవమికి విడుదల చేస్తారనే వార్తలు బలంగా వినిపిస్తున్నాయి. కాబట్టి జై హనుమాన్ ఫస్ట్ లుక్ పోస్టర్ కోసమే ఈ షూట్ మొదలుపెట్టాడని కామెంట్స్ వినిపిస్తున్నాయి. ఏదిఏమైనా.. మోస్ట్ యాంటిసిపేటెడ్ మూవీగా వస్తున్న జై హనుమాన్ ఎలాంటి రికార్డ్స్ క్రియేట్ చేస్తుందో చూడాలి మరి.
