భద్రాద్రికొత్తగూడెం, వెలుగు : జిల్లాలో గత ఎన్నికల్లో పోలింగ్తక్కువగా ఉన్న ప్రాంతాలపై ఈసారి స్పెషల్ ఫోకస్ పెడుతున్నామని భద్రాద్రికొత్తగూడెం కలెక్టర్ డాక్టర్ ప్రియాంక అల చెప్పారు. కలెక్టరేట్లో ఎస్పీ డాక్టర్ వినీత్తో కలిసి శుక్రవారం నిర్వహించిన విలేకర్ల సమావేశంలో ఎన్నికల నోటిఫికేషన్ను ఆమె రిలీజ్ చేశారు. ఈ సందర్భంగా మాట్లాడుతూ గత ఎన్నికల్లో164పోలింగ్ కేంద్రాల పరిధిలో పోలింగ్ శాతం తక్కువగా జరిగినట్టుగా గుర్తించామని, ఈ ఎన్నికల్లో పెంచేందుకు చర్యలు చేపడుతున్నామన్నారు.
జిల్లాలో ఇప్పటి వరకు రూ. 4.81కోట్ల మేర నగదు, మద్యం, డ్రగ్స్, వెండి ఆభరణాలు స్వాధీనం చేసుకున్నట్టు చెప్పారు. ఎన్నికలకు సంబంధించి 1950 టోల్ ఫ్రీ నంబర్కు ద్వారా సమాచారం ఇవ్వాలని కోరారు. జిల్లాకు ఇద్దరు వ్యయ పరిశీలకులు గితేశ్ కుమార్, సతీశ్చంద్రలను ఎన్నికల సంఘం నియమించిందన్నారు.
