- లాస్ ఏంజిలిస్లో కన్నుమూసిన జాన్ లాండావ్
న్యూయార్క్: టైటానిక్, అవతార్ బ్లాక్ బ్లస్టర్ సినిమాల నిర్మాత జాన్ లాండావ్ (63) కన్నుమూశారు. శుక్రవారం లాస్ ఏంజిలిస్లో జాన్ చనిపోయారని ఆయన కొడుకు జామీ లాండావ్ తెలిపారు. టైటానిక్, అవతార్ సినిమాల డైరెక్టర్ జేమ్స్ కామెరాన్కు జాన్ దీర్ఘకాలం పాటు నిర్మాతగా వ్యవహరించారు. 1960 జులై 23న న్యూయార్క్లో జాన్ జన్మించారు.
ఆయన తల్లిదండ్రులు ఏలి లాండావ్, ఎడీ లాండావ్. మాన్ హటన్ మూవీ హౌసెస్ను ఏలి, ఎడీ కొన్నారు. అనంతరం అమెరికన్ ఫిల్మ్ థియేటర్ను స్థాపించి డజనుకుపైనే సినిమాలు నిర్మించారు. వాటిలో హిట్ మూవీస్ లాంగ్ డేస్ జర్నీ ఇంటు నైట్ (1962), ద పాన్ బ్రోకర్ (1965), ద ఐస్ మ్యాన్ కామెత్ (1973), ద చూసెన్ (1981) సినిమాలు ఉన్నాయి. ఇక జాన్ లాండావ్ 1987లో పారమౌంట్ క్యాంపస్ మూవీ నిర్మించారు. తర్వాత రెండు డిస్నీ సినిమాలకు సహ నిర్మాతగా వ్యవహరించారు.
