కేంబ్రిడ్జ్: ప్రముఖ ఖగోళ శాస్త్రవేత్త స్టీఫెన్ హాకింగ్ కుటుంబం అతని వ్యక్తిగత వెంటిలేటర్‌ను ఇంగ్లండ్ లోని నేషనల్ హెల్త్ సర్వీస్(ఎన్‌హెచ్‌ఎస్) ఆస్పత్రికి విరాళంగా ఇచ్చింది. ఆయన కుమార్తె లూసీ హాకింగ్ కేంబ్రిడ్జ్ సిటీలోని రాయల్ పాప్‌వర్త్ ఆస్పత్రికి డొనేట్ చేశారు. కరోనా పేషెంట్లకు ఆ వెంటిలేటర్ ఉపయోగపడుతుందనే ఉద్దేశంతో విరాళంగా ఇచ్చినట్లు తెలిపారు. ఖగోళ, భౌతిక శాస్త్రంలో ఎన్నో పరిశోధనలు చేసిన స్టీఫెన్ హాకింగ్ 2018లో మోటార్ న్యూరాన్ (నరాలకు సంబంధించిన వ్యాధి)తో చనిపోయారు. ఆయనకు సంబంధించిన మెడికల్ వస్తువులన్నింటితో పాటు వెంటిలేటర్ డొనేట్ చేశారు.
