హైదరాబాద్, వెలుగు: ఎన్నికల్లో ఓటు విలువను తెలియజేస్తూ, ఓటింగ్శాతాన్ని పెంచడమే లక్ష్యంగా ప్రభుత్వ సంస్థలతోపాటు పలు స్వచ్ఛంద సంస్థలు అవగాహన కల్పిస్తున్నాయి. ఫస్ట్ టైమ్ఓటర్లే టార్గెట్ గా వినూత్న రీతిలో రాక్బ్యాండ్ మ్యూజిక్, స్టాండప్కామెడీ, స్లామ్ పోయెట్రీ, ర్యాప్సాంగ్స్ తో ఎంటర్ టైన్ చేస్తూ ఓటుపై చైతన్యం చేస్తున్నాయి. మరికొన్ని ఎన్జీవోలు ప్రధాన సర్కిల్స్లో ప్ల కార్డులు, సోషల్ మీడియాలో పోస్టులు, వీడియోలతో యూత్ఓటు హక్కును వినియోగించుకునేలా అవేర్ నెస్ కల్పిస్తున్నాయి. ప్రస్తుతం హైదరాబాద్ లోక్ సభ సెగ్మెంట్లో 36,723 మంది, సికింద్రాబాద్ లోక్ సభ సెగ్మెంట్ లో 97,097 మంది, కంటోన్మెంట్అసెంబ్లీ సెగ్మెంట్లో 3,013 మంది.. 18 – 19 ఏండ్లు ఉన్న ఓటర్లు ఉన్నారు.
ఆలోచింప చేసే స్క్రిప్టులతో..
యూత్లో అవేర్ నెస్ లేకపోవడంతో ఓటును వినియోగించుకోలేకపోతున్నారు. మరికొంతమంది ఓటు నమోదుకు కూడా ముందుకు రావడం లేదు. ఈ క్రమంలో సిటీకి చెందిన యంగిస్థాన్ సంస్థ కొన్నేండ్లుగా ఓట్అవేర్ నెస్ ప్రోగ్రాములు చేస్తోంది. కాలేజీలు, పబ్ లు, కల్చరల్సెంటర్లు, రెసిడెన్షియల్, గేటెడ్ కమ్యూనిటీల్లో యూత్ ను టార్గెట్చేసుకొని ప్రోగ్రామ్‌ నిర్వహిస్తోంది. రొటీన్గా కాకుండా యూత్ ను ఎక్కువగా ఆకర్షించే పద్ధతిలో రాక్బ్యాండ్ మ్యూజిక్, స్టాండప్కామెడీ, ర్యాప్సాంగ్స్, ఆలోచింప చేసే డ్రామా స్క్రిప్టులతో అవగాహన కల్పిస్తున్నారు. రాజకీయాలపై వారికున్న అనుమానాలను నివృత్తి చేయడమే కాకుండా సమస్యలపై లోకల్లీడర్లను ప్రశ్నించడం, నోటాపై అవగాహన కల్పించడం, క్వశ్చన్అండ్ఆన్సర్స్.. ఇలా డిఫరెంట్పద్ధతుల్లో అవేర్ నెస్ చేస్తున్నాయి.
అర్బన్ యూత్ లో అవగాహన తక్కువే
యూత్ రాజకీయాలను ఎక్కువగా పట్టించుకోరు. ఓటు వేయకపోతే ఏం ఫరక్పడదులే అనుకుంటారు. అలాంటి యూత్కు ఎలా చెబితే అర్థం అవుతుందో గ్రహించి అవేర్ నెస్ ప్రోగ్రాములు చేస్తున్నాం. ఓటుకు ఎలా అప్లై చేసుకోవాలి. స్థానిక సమస్యలు, నాయకులను ప్రశ్నించడం, ఎన్నికలకు సంబంధించి వారికున్న అనుమానాలు, ప్రశ్నలకు సమాధానాలు చెబుతూ చాలా కార్యక్రమాలు నిర్వహిస్తున్నాం. - అరుణ్ డానియల్ యెల్లమాటి, ఫౌండర్ యంగిస్థాన్
