ఆదిలాబాద్ టౌన్, వెలుగు: ప్రభుత్వం తమ సమస్యలు పరిష్కరించాలని డిమాండ్ చేస్తూ ప్రజలు, కార్మికులు, ఉద్యోగులు, పలు సంఘాల ఆధ్వర్యంలో ఆదిలాబాద్కలెక్టరేట్ ముందు సోమవారం ధర్నాలు చేశారు. 1960 నుంచి స్థానికంగా నివసిస్తున్న తమకు ఎస్టీ ధ్రువీకరణ పత్రాలు అందజేయాలని లంబాడీలు, పెండింగ్లో ఉన్న మధ్యాహ్న భోజన కార్మికుల బిల్లులు చెల్లించాలని కార్మికులు ధర్నా చేపట్టారు.
జీవో నంబర్49ను రద్దు చేయాలని ఆదివాసీ గిరిజన నాయకులు, తమ సమస్యలు పరిష్కరించాలని పంచాయతీ కార్మికులు వేర్వేరుగా పలు సంఘాల ఆధ్వర్యంలో నిరసనలు తెలిపారు. ఈ ధర్నాలతో కలెక్టరేట్ప్రాంగణం దద్దరిల్లింది. లంబాడీ పోరాట సమితి నాయకులు, సీఐటీయూ నేతలు, ఆదివాసీ గిరిజన సంఘం లీడర్లు తదితరులు పాల్గొన్నారు.
