మహబూబ్ నగర్ టౌన్ ,వెలుగు: కోర్టు ఆదేశాల మేరకు ఎక్సైజ్ శాఖ మంత్రి శ్రీనివాస్ నైతిక బాధ్యత వహిస్తూ మంత్రి పదవికి వెంటనే రాజీ నామా చేయాలని బీజేపీ రాష్ర్ట కార్యవర్గ సభ్యుడు ఎన్పీ వెంకటేశ్ డిమాండ్ చేశారు. మంత్రి శ్రీనివాస్ గౌడ్ రాజీనామా చేయాలని కోరుతూ ప్లకార్డులతో గురువారం పార్టీ ఆధ్వర్యంలో జిల్లా కేంద్రంలో నిరసన చేపట్టారు. ఈ సందర్భంగా ఆయనమాట్లాడుతూ మంత్రితో పాటు మరో 10 మందిపై కేసు నమోదు చేయాలని నాంపల్లి కోర్టు ఆదేశించిందన్నారు.
ఎన్నికల అఫిడవిట్ విషయంలో మంత్రిని బర్తరప్ చేయాలన్నారు. కార్యక్రమంలో జిల్లా అధ్యక్షుడు వీరబ్రహ్మాచారి, శ్రీనివాస్ గౌడ్ , కృష్ణావర్ధన రెడ్డి, జయశ్రీ, కృష్ణవేణి, పాండురంగారెడ్డి, కిరణ్ కుమార్ రెడ్డి, నాయకులు, కార్యకర్తలు పాల్గొన్నారు.
