జూబ్లీహిల్స్, వెలుగు: బంజారాహిల్స్ఎమ్మెల్యే కాలనీలోని పెద్దమ్మ తల్లి ఆలయాన్ని కూలగొట్టిన అధికారులపై వెంటనే చర్యలు తీసుకోవాలని మంగళవారం హిందూ ధర్మ ప్రచారకర్త రాధా మనోహర్దాస్, సినీ నటి కరాటే కల్యాణి నిరసనకు దిగారు. ఎన్నో ఏండ్లుగా ఉన్న అమ్మవారి ఆలయం వారికి ఎందుకు అడ్డువచ్చిందని ప్రశ్నించారు.
తక్షణమే ఆలయాన్ని తిరిగి నిర్మించాలని డిమాండ్చేశారు. ఈ సందర్బంగా పెద్ద ఎత్తున హిందూ సంఘాలు, స్థానిక ప్రజలు ఆలయ ప్రాంగణానికి వెళ్లే ప్రయత్నం చేయగా, పోలీసులు వారిని అడ్డుకున్నారు. ఈ క్రమంలో తోపులాట జరిగి ఉద్రిక్తతకు దారి తీసింది.
