ఇండోనేషియా ఓపెన్ సూపర్ సిరీస్ 1000 టోర్నీలో పీవీ సింధు ఓడిపోయింది. ఉమెన్స్ సింగిల్స్ తొలి రౌండ్‌లో ఏడో సీడ్‌ గా బరిలోకి దిగిన సింధు 14--21, 18-21తో చైనా ప్లేయర్ హి బింగ్ జియావో చేతిలో ఓడి ఇంటిముఖం పట్టింది. 47 నిమిషాల పాటు జరిగిన మ్యాచ్లో ఆరంభం నుంచే వెనుకబడింది. ఫస్ట్ గేమ్లో బ్రేక్ టైంకు బింగ్ జియావో 11--4తో ఆధిక్యంలో నిలిచింది. ఆ తర్వాత పుంజుకున్న సింధు పదునైన షాట్లతో ప్రత్యర్థికి సమీపంగా వచ్చింది. అయితే ఈ దశలో చైనా షట్లర్ విజృంభించి..14-21తో తొలి గేమ్ను సొంతం చేసుకుంది. సెకండ్ గేమ్లోనూ బింగ్ జియావో అదే జోరును కొనసాగించింది. సూపర్ స్మాష్లతో సింధును బెదరగొట్టింది. సింధుకు ఏ మాత్రం అవకాశం ఇవ్వకుండా మ్యాచ్ ను 21-18తో మ్యాచ్ ను దక్కించుకుంది. అటు మెన్స్ సింగిల్స్లో సాయిప్రణీత్ డెన్మార్క్ ప్లేయర్ హన్స్ క్రిస్టియన్ చేతిలో 16-21, 19-21తో పరాజయం పాలయ్యాడు. మరోవైపు సమీర్ వర్మ రెండో రౌండ్ కు చేరుకున్నాడు. ఫ్రాన్స్ ఆటగాడు థామస్ రౌక్సెల్పై 21-19, 21-15తో విజయం సాధించాడు.
