నిరుద్యోగ యువతీ యువకులకు రైల్వేశాఖ శుభవార్త చెప్పింది. 21 రైల్వే రీజియన్ల పరిధిలో ఖాళీల భర్తీకి శ్రీకారం చుట్టింది. ఈ మేరకు వివిధ విభాగాల్లో మొత్తం 9,000 టెక్నీషియన్ పోస్టుల భర్తీకి రైల్వే రిక్రూట్మెంట్ బోర్డు ఫిబ్రవరి 17న నోటిఫికేషన్ విడుదల చేసింది.
ఆర్ఆర్బీ రీజియన్లు
సికింద్రాబాద్, బెంగళూరు,చెన్నై, భోపాల్, భువనేశ్వర్, బిలాస్పూర్, చండీఘడ్, గౌహతి, జమ్ము అండ్ శ్రీనగర్, కోల్కతా, మాల్దా, ముంబై,అజ్మీర్, ముజఫర్పూర్, పట్నా, ప్రయాగ్రాజ్, రాంచీ, సిలిగురి, తిరువనంతపురం, గోరఖ్పూర్ రీజియన్ల పరిధిలోని ఖాళీలను భర్తీచేయనున్నారు.
టెక్నీషియన్ పోస్టుల భర్తీకి సంబంధించి మార్చి 9 నుంచి పూర్తిస్థాయి నోటిఫికేషన్ విడుదల చేయనున్నారు. ఆయా రైల్వే రీజియన్ల వెబ్సైట్లలో నోటిఫికేషన్ అందబాటులో ఉంచనున్నారు. అర్హులైన అభ్యర్థులు మార్చి 9 నుంచి ఏప్రిల్ 8 వరకు ఆన్లైన్ ద్వారా దరఖాస్తులు సమర్పించాల్సి ఉంటుంది. రాత, వైద్య పరీక్షలు తదితరాల ఆధారంగా ఉద్యోగాల ఎంపిక చేపడతారు. రీజియన్ల వారీ ఖాళీలు, విద్యార్హత, రాత పరీక్ష, సిలబస్ తదితర పూర్తి వివరాలు త్వరలో విడుదలకానున్నాయి.
- టెక్నీషియన్ పోస్టుల వివరాలు
- మొత్తం పోస్టుల సంఖ్య: 9,000.
- టెక్నీషియన్ గ్రేడ్-I సిగ్నల్: 1,100 పోస్టులు
- టెక్నీషియన్ గ్రేడ్-III: 7,900 పోస్టులు
- వయోపరిమితి: 01.07.2024 నాటికి టెక్నీషియన్ గ్రేడ్-I సిగ్నల్ పోస్టులకు 18-36 సంవత్సరాలు...టెక్నీషియన్ గ్రేడ్-III పోస్టులకు 18-33 సంవత్సరాల మధ్య ఉండాలి.
- విద్యార్హత: RRB టెక్నీషియన్ పోస్టుల(RRB Technician recruitment) కోసం దరఖాస్తు చేసుకోవాలనుకునే అభ్యర్థులందరూ అధికారిక నోటిఫికేషన్లో ఇచ్చిన విధంగా సంబంధిత అర్హతలను కలిగి ఉండాలి. రీజియన్ల వారీ ఖాళీలు, విద్యార్హత, రాత పరీక్ష, సిలబస్ తదితర పూర్తి వివరాలు త్వరలో విడుదలకానున్నాయి.
- దరఖాస్తు ఫీజు: అభ్యర్థులు దరఖాస్తు ఫీజుగా రూ.500 చెల్లించాలి. ఎస్సీ, ఎస్టీ, ఎక్స్-సర్వీస్మెన్, మహిళలు, ట్రాన్స్జెండర్, మైనారిటీ, ఈబీసీ అభ్యర్థులు రూ.250 చెల్లిస్తే సరిపోతుంది.
- దరఖాస్తు విధానం: ఆన్లైన్ ద్వారా.
- ఎంపిక విధానం: సీబీటీ-1, సీబీటీ-2, కంప్యూటర్ బేస్డ్ ఆప్టిట్యూడ్ టెస్ట్, డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక చేస్తారు.
- ప్రారంభ వేతనం: టెక్నీషియన్ గ్రేడ్-I సిగ్నల్ పోస్టులకు రూ.29,200. ...టెక్నీషియన్ గ్రేడ్-III పోస్టులకు రూ.19,900.
- ఆన్లైన్ దరఖాస్తు ప్రక్రియ ప్రారంభం: 09.03.2024.
- ఆన్లైన్ దరఖాస్తుకు చివరితేది: 08.04.2024.
