నాని బండ్రెడ్డి డైరెక్షన్ లో.. జై జాస్తి, అనంతిక జంటగా నటిస్తున్న సినిమా రాజమండ్రి రోజ్ మిల్క్. ప్రముఖ నిర్మాణ సంస్థ సురేష్ ప్రొడక్షన్స్ తో కలిసి ఇంట్రూప్ నిర్మాణ సంస్థ ఈ సినిమాను నిర్మిస్తుంది. డి.సురేష్‌బాబు, ప్రదీప్ ఉప్పలపాటి నిర్మాతలు. ఇటీవల ఈ మూవీలోని ఓ సాంగ్‌ను, ఫస్ట్‌లుక్‌ను విడుదల చేసిన టీమ్ లేటెస్ట్ గా టైటిల్‌సాంగ్‌ను విడుదల చేసింది. ఈ సందర్భంగా నిర్మాత మాట్లాడుతూ.. ప్రముఖ గీత రచయిత చంద్రబోస్ రచించిన "నువ్వే ముద్దుగా నవ్వే నవ్వగా.. ఉండే నిండుగా.. ఫస్ట్‌డే ఫస్ట్ షో చూసినట్టుగా" అనే సాంగ్‌ను అనురాగ్ కులకర్ణి ఆలపించారు.
అజయ్ అరసాడ మ్యూజిక్ లో ఈ సాంగ్‌ను విడుదల చేశాం. పాటకు అందరి నుంచి మంచి స్పందన వస్తోంది. పూర్తి వినోదాత్మకంగా రూపొందుతున్న ఈ యూత్‌ఫుల్ ఎంటర్‌టైనర్ అందరికి కాలేజీ రోజులను గుర్తుచేస్తుంది. కాలేజీ రోజుల్లో జరిగిన మరపురాని సంఘటనలను ఈ సినిమా గుర్తుకు తెప్పిస్తుందన్నారు. సన్నీల్ కుమార్, వెన్నెల కిషోర్, ప్రవీణ్, ప్రణీత్ పట్నాయక్ ముఖ్యపాత్రల్లో రూపొందుతున్న రాజమండ్రి రోజ్ మిల్క్ విడుదల తేదీని త్వరలోనే అనౌన్స్ చేస్తామన్నారు.
