సూపర్ స్టార్ రజినీకాంత్(Rajinikanth) ప్రత్యేక పాత్రలో వచ్చిన లేటెస్ట్ మూవీ లాల్ సలామ్(Lal Salaam). రజినీకాంత్ కూతురు ఐశ్వర్య రజినీకాంత్(Aishwarya Rajinikanth) దర్శకత్వంలో వచ్చిన ఈ సినిమాలో విష్ణు విశాల్(Vishnu Vishal), విక్రాంత్(Vikranth) హీరోలుగా నటించారు. టీజర్, ట్రైలర్ తో ఇంట్రెస్ట్ క్రియేట్ చేసిన ఈ చిత్రం ఫిబ్రవరి 9న రిలీజయింది. నిజానికి ముందు నుండే ఈ సినిమాకు బజ్ లేకపోవడంతో ఆడియన్స్ నుండి రియాక్షన్ కూడా అలాగే వచ్చింది. సినిమాకు టాక్ కూడా సో సో గానే వచ్చింది. దీంతో ఈ సినిమాను చూసేందుకు ఆడియన్స్ అంతగా ఇంట్రెస్ట్ చూపించడం లేదు. కలెక్షన్స్ కూడా అదే రేంజ్ లో వస్తున్నాయి ఈ సినిమాకు.
ఇక థియేటర్ లో అనుకున్న రెస్పాన్స్ రాకపోవడంతో.. ఓటీటీ రిలీజ్ గురించి ఇప్పటినుండే చర్చ మొదలయింది. ఈ సినిమా ఓటీటీ హక్కులను ప్రముఖ సంస్థ నెట్‌ఫ్లిక్స్‌ దక్కించుకున్న విషయం తెలిసిందే. దీంతో త్వరలోనే ఈ సినిమాను స్ట్రీమింగ్ చేయనున్నట్లు తెలుస్తోంది. ప్రస్తుతం ఉన్న సమాచారం మేరకు మార్చ్ ఫస్ట్ వీక్ లో స్ట్రీమింగ్ కానుందట. త్వరలోనే ఇదే విషయంపై అధికారిక ప్రకటన రానుంది. మరి థియేటర్ లో ప్లాప్ గా నిలిచిన ఈ సినిమాకు ఓటీటీలో ఎలాంటి స్పందన వస్తుందో చూడాలి.
