అయోధ్యలో త్వరలో తెరుచుకోనున్న రామ మందిరంలో మరొక అద్భుతమైన నిర్మాణం గురించిన వార్త ఇప్పుడు వైరల్ అవుతోంది. అదే ధ్వజ స్తంభం. దీని బరువు 5,500కిలోలు, పొడవు 44అడుగులు. స్వచ్ఛమైన ఇత్తడితో తయారు చేసిన ఈ ధ్వజ స్తంభం.. భారతదేశంలోని ఎత్తైన, బరువైన వాటిల్లో ఒకటిగా నిలవనుంది. ఇది జనవరి 8న అయోధ్యకు చేరింది.
పురాతన హిందూ గ్రంధాల ప్రకారం రూపొందించిన ఈ ధ్వజ స్తంభాన్ని అహ్మదాబాద్‌కు చెందిన ఒక సంస్థ నిర్మించింది. చెక్కపై చెక్కబడిన ఈ ధ్వజ స్తంభంను జనవరి 5న గుజరాత్ ముఖ్యమంత్రి భూపేంద్ర పటేల్ జెండా ఊపి 450 కిలోల బరువున్న ప్రత్యేక రథంలో అయోధ్యకు పంపించారు. జనవరి 22 న పవిత్రోత్సవం సందర్భంగా ప్రతిష్టించబోతున్న ఈ ధ్వజ స్తంభాన్ని తమ సంస్థ ఈ గడిచిన 81ఏళ్లలో ఎప్పుడూ ఈ తరహా ధ్వజ స్తంభాన్ని నిర్మించలేదని అహ్మదాబాద్‌లోని శ్రీ అంబికా ఇంజనీరింగ్ వర్క్స్ మేనేజింగ్ డైరెక్టర్ భరత్ మేవాడా అన్నారు.
