ఉస్తాద్ హీరో రామ్ పోతినేని(Ram pothineni), మాస్ చిత్రాల దర్శకుడు బోయపాటి శ్రీను(Boyapati srinu) కంబోలో వస్తున్న లేటెస్ట్ మూవీ స్కంద(Skanda). లేటెస్ట్ బ్యూటీ సెన్సేషన్ శ్రీలీల(Sreeleela) హీరోయినిగా నటిస్తున్న ఈ మూవీ సెప్టెంబర్ 28న ప్రేక్షకుల ముందుకు రానుంది. ఇప్పటికే ట్రైలర్ తో అంచనాలు పెంచేసిన ఈ సినిమా కోసం రామ్ ఫ్యాన్స్ ఈగర్ గా వెయిట్ చేస్తున్నారు. రామ్ కూడా ఇంతకు ముందెన్నడూ లేని విదంగా సరికొత్త మాస్ అవతారంలో ఆడియన్స్ ను మెస్మరైజ్ చేయడానికి సిద్దమయ్యాడు.
Also Read : ఇప్పుడేం చెప్పినా వర్కౌట్ కాదు.. ఇంటికెళ్లి ఎపిసోడ్స్ చూస్కో.. ఇచ్చిపడేసిన శివాజీ
రిలీజ్ దగ్గర పడుతుండటంతో ప్రమోషన్స్ పనుల్లో వేగం పెంచేశారు చిత్ర యూనిట్. ఇందులో భాగంగా తాజాగా ఓ ఇంటర్వ్యూలో పాల్గొన్న హీరో రామ్ స్టార్ క్రికెటర్ విరాట్ కోహ్లీ బయోపిక్ పై ఆసక్తికర కామెంట్స్ చేశారు. ఇందులో భాగంగా యాంకర్.. ఈ మధ్య వైరల్ కోహ్లీ బయోపిక్ గురించి చాలా వార్తలు వినిపిస్తున్నాయి. మీకు ఆ అవకాశం వస్తే చేస్తారా? అని అడిగారు. దానికి రామ్ స్పందిస్తూ.. ఖచ్చితంగా చేస్తాను. విరాట్ నా ఫెవరెట్ ప్లేయర్. ఒకేవేళ నాకు ఆ అవకాశం గనుక వస్తే ఖచ్చితంగా చేస్తాను. ఇంకో విశేషం ఏంటంటే నన్ను చాలా మంది కోహ్లీ లా ఉన్నావ్ అంటారు.. అంటూ నవ్వుతూ చెప్పారు రామ్. ప్రస్తుతం రామ్ చేసిన ఈ కామెంట్స్ సోషల్ మీడియాలో వైరల్ గా మారుతున్నాయి.
