మాస్ మహారాజ రవితేజ నటిస్తున్న లేటెస్ట్ మూవీ ‘భర్త మహాశయులకు విజ్ఞప్తి’ (Bhartha Mahasayulaku Wignyapthi). డీసెంట్ ఎమోషనల్ సినిమాలను తెరకెక్కించే డైరెక్టర్ కిషోర్ తిరుమల ఈ మూవీ డైరెక్ట్ చేస్తున్నాడు. రవితేజ మార్క్ కామిక్ టైమింగ్, మాస్ అప్పీల్‌‌‌‌తో కూడిన ఫుల్ లెంగ్త్ ఫ్యామిలీ డ్రామాగా రూపొందుతుంది. ఇందులో రవితేజకి జోడీగా ఆషికా రంగనాథ్, డింపుల్ హయాతి హీరోయిన్లు నటిస్తున్నారు. ఇటీవలే మూవీ గ్లింప్స్ రిలీజ్ చేయగా క్రేజీ రెస్పాన్స్ దక్కించుకుంది.
ఈ క్రమంలో ‘భర్త మహాశయులకు విజ్ఞప్తి’ నుంచి ఫస్ట్ సింగిల్ అప్డేట్ ఇచ్చింది చిత్ర బృందం. ‘బెల్లా బెల్లా’ (Bella Bella) అనే ఫస్ట్ సాంగ్ని డిసెంబర్ 1న రిలీజ్ చేయనున్నట్లు మేకర్స్ ప్రకటించారు. ‘‘బెల్లా బెల్లా.. ఇసా బెల్లా బాగున్నావే రసగుల్లా.. యెల్ల యెల్ల స్పెసీ ఎల్లా.. నింపేసావే నిలువెల్లా’’ అనే పదాలు పూర్తి సాంగ్ రాకపై ఎదురుచూసేలా చేస్తున్నాయి. లేటెస్ట్ సెన్సేషన్ మ్యూజిక్ డైరెక్టర్ భీమ్స్ సిసిరోలియో ఇచ్చిన క్రేజీ ట్యూన్కు రవితేజ-ఆషికా స్టెప్పులు అదిరిపోయాయి. ఈ పాటను నకాష్‌ అజీజ్‌, రోహిణి తమదైన శైలిలో పాడారు.
బ్యాక్ టు బ్యాక్ సినిమాలు చేస్తూ రవితేజ బిజీగా ఉన్నారు. కానీ, అంతేస్థాయిలో వరుస ఫెయిల్యూర్స్ అందుకుంటున్నారు. ఇటీవలే మాస్ జాతరతో వచ్చిన రవితేజ, ప్రేక్షకుల్ని ఆశించిన స్థాయిలో మెప్పించలేకపోయాడు. ఈసారి ఎలాగైనా హిట్ కొట్టాలనే ఉద్దేశ్యంతో.. తనకి అచ్చొచ్చిన కామెడీ ఎంటర్ టైనర్ ‘భర్త మహాశయులకు విజ్ఞప్తి’తో ఆడియన్స్ని పలకరించనున్నాడు. అందుకు తగ్గ కథను కిశోర్ దగ్గర పట్టేసి, ఈ సారి హిట్ కొట్టబోతున్నారు.
ఇకపోతే ఈ సినిమాని SLV సినిమాస్ బ్యానర్‌‌‌‌పై సుధాకర్ చెరుకూరి నిర్మిస్తున్నారు. ఇకపోతే, ఇది రవితేజ కెరీర్‌‌‌‌‌‌‌‌లో 76వ చిత్రం. ప్రస్తుతం వరుస షెడ్యూల్స్తో షూటింగ్ జరుపుకుంటుంది. ఈ మూవీకి భీమ్స్ సిసిరోలియో సంగీతం అందిస్తున్నాడు. ప్రసాద్ మురెల్లా సినిమాటోగ్రఫీని అందిస్తుండగా, శ్రీకర్ ప్రసాద్ ఎడిటింగ్ బాధ్యతలను చెప్పట్టారు. 2026 సంక్రాంతికి ఈ సినిమా విడుదల కానుంది.
