వేలల్లో.. కాదుకాదు లక్షల్లో మొక్కలు పెంచి రికార్డుకెక్కిన వాళ్లు చాలామందే ఉన్నారు మన చుట్టూరా. కానీ, ఈ ఫొటోలో కనిపిస్తున్నాయన చాలా డిఫరెంట్. కాస్త వెరైటీగా టొమాటో మొక్క పెంచాడు. అందులో వింత ఏముంది? అంటారా. అందులోనే ఉంది అసలు కథ. ఒక్కటంటే ఒక్కటే టొమాటో కొమ్మకి ఏకంగా 839 టొమాటోలు కాశాయి ఇతని గార్డెన్లో.
టొమాటోలతో రికార్డుకెక్కిన ఈయన పేరు డగ్లస్ స్మిత్. బ్రిటన్కి చెందిన డగ్లస్కు ఇలాంటి ప్రయోగాలు కొత్తేం కాదు. కిందటేడాది 3.1 కేజీల బరువు, 27.5 సెం.మీ టొమాటోని తన పెరట్లో పెంచాడు. ఆ ఇన్స్పిరేషన్తోనే ఈ ఏడాది మార్చిలో టొమాటో విత్తనం నాటాడు. వారానికి నాలుగ్గంటలు ఆ మొక్క బాగోగులకే కేటాయించాడు. దాని రిజల్టే 839 టొమాటోలు. ఇంతకుముందు 2010 లోనూ ఒక్క టొమాటో మొక్కకి 448 కాయలు కాయించి వరల్డ్ బుక్ ఆఫ్ రికార్డ్స్కి ఎక్కాడు గ్రాహం టాంటెర్ అనే వ్యక్తి. ఆ రికార్డుని మొదటి ప్రయత్నంలోనే స్మిత్ బ్రేక్ చేయడం విశేషం.