జనరల్​ ఇన్సూరెన్స్​ కంపెనీల నుంచి రిపెయిర్స్​ సేవలు

• ఇన్సూరెన్స్​ మరింత చొచ్చుకుపోయేందుకే...

న్యూఢిల్లీ: ఇన్సూరెన్స్​ ప్రొడక్టులతోపాటు జిమ్​ మెంబర్​షిప్స్​, వెహికల్​ రిపెయిర్స్​, డయాగ్నస్టిక్​ సర్వీసులు వంటి వాటిని కూడా అమ్మేందుకు జనరల్​ ఇన్సూరెన్స్​ కంపెనీలకు త్వరలో వీలు కలగనుంది. ఇన్సూరెన్స్​ చట్టంలో ఈ మేరకు సవరణలు తెచ్చే ప్రయత్నాలు జరుగుతున్నట్లు సంబంధిత వర్గాలు వెల్లడించాయి.

సవరణలతో కూడిన ఇన్సూరెన్స్​ బిల్లును మాన్సూన్​ సెషన్​లో పార్లమెంట్ ముందుకు తెచ్చే అవకాశాలున్నాయి. కొత్త ఆపర్చునిటీస్​ను తేవడమే కాకుండా, ఇన్సూరెన్స్​ సెక్టార్లో కొన్ని కీలకమైన సంస్కరణలూ బిల్లులో చోటు చేసుకుంటాయని అంచనా వేస్తున్నారు. కాంపోజిట్​ ఇన్సూరెన్స్​ లైసెన్సులు, ఇన్సూరెన్స్​ రంగంలోకి అడుగుపెట్టడం మరింత సులువు కానుంది. 

జిమ్​, రిపెయిర్​, డయాగ్నస్టిక్​సేవలు..

రిలేటెడ్​ బిజినెస్​ల ప్రొడక్టులను అమ్మడానికి జనరల్  ఇన్సూరెన్స్​కంపెనీలకు అవకాశమిచ్చేలా కొత్త రూల్స్​ ఉంటాయని, కానీ బ్యాంకుల తరహాలో మ్యూచువల్​ ఫండ్స్​ వంటి ఫైనాన్షియల్​ ప్రొడక్టులు అమ్మడానికి మాత్రం  ఛాన్స్ ఉండదని సంబంధిత అధికారులు పేర్కొన్నారు. రిలేటెడ్​ సర్వీసులు, ప్రొడక్టులు ఏవనేది డిపార్ట్​మెంట్​ ఆఫ్​ ఫైనాన్షియల్​ సర్వీసెస్​ నిర్ణయించనుంది. ఫైర్​ ఇన్సూరెన్స్​తో కలిపి ఫైర్​ ప్రొటెక్షన్​ సర్వీసులు, మోటార్​ ఇన్సూరెన్స్​తో కలిపి కార్​ రిపెయిర్​ సర్వీసులు, హెల్త్​ ఇన్సూరెన్స్​తో కలిపి డయాగ్నస్టిక్​ టెస్టులు వంటివి ఆఫర్​ చేయడానికి  కంపెనీలకు వెసులుబాటు కల్పించే అవకాశాలు ఉన్నాయి.

విదేశాల్లోని రూల్స్​..

యూకేలో ఇన్సూరెన్స్​ కంపెనీలు వ్యాల్యూ యాడెడ్​ సర్వీసులతోపాటు, క్రాస్​ సెల్లింగ్​ చేసేందుకూ రూల్స్​ ఒప్పుకుంటున్నాయి. సింగపూర్​లోనైతే లైఫ్​ ఇన్సూరెన్స్​ కంపెనీలు తమ క్లయింట్లకు ఫైనాన్షియల్​ ఎడ్వైజరీ సేవలు కూడా అందించే వీలుంది. ఇన్సూరెన్స్​ బిజినెస్​కి రిలేటెడ్​గా ఉండే సేవలను అమ్మడానికి లైఫ్​ ఇన్సూరెన్స్​ కంపెనీలను మలేషియాలో అనుమతిస్తున్నారు.