న్యూఢిల్లీ: కూరగాయల రేట్ల పెరుగుదల కారణంగా జులై నెలలో 15 నెలల గరిష్టానికి చేరి భయపెట్టిన రిటైల్ ఇన్ఫ్లేషన్ ఆగస్టులో కొంత ఊరట కలిగించింది. ఆర్బీఐ లిమిట్ కంటే ఇంకా ఎక్కువగానే 6.83 శాతంగా ఆగస్టులో రిటైల్ ఇన్ఫ్లేషన్ రికార్డయింది. జులైలోని 7.44 శాతం నుంచి ఆగస్టులో కన్జూమర్ ప్రైస్ ఇండెక్స్ (రిటైల్ ఇన్ఫ్లేషన్) 6.83 శాతానికి దిగొచ్చినట్లు స్టాటిస్టికల్ మినిస్ట్రీ రిలీజ్ చేసిన డేటా వెల్లడించింది. మొత్తం బాస్కెట్లో సగానికి అకౌంటయ్యే ఫుడ్ ఇన్ఫ్లేషన్ ఆగస్టులోనూ 9.94 శాతం ఎగసింది. అయితే, ఈ పెరుగుదల జులైలోని 11.51 శాతం కంటే తక్కువే. వాతావరణ పరిస్థితులు అనుకూలంగా లేకపోవడంతో గత ఏడాది కాలంగా ఆహార ఉత్పత్తుల రేట్లు ఆందోళన కలిగిస్తున్నాయి. కూరగాయలు, పాలు వంటి వాటి ఉత్పత్తిపై వాతావరణ ప్రభావం కనిపిస్తోంది.
జులైలో ఐఐపీ జూమ్...
జులై నెలలో ఇండెక్స్ ఆఫ్ ఇండస్ట్రియల్ ప్రొడక్షన్ (ఐఐపీ) 5.7 శాతం ఎగసింది. అంతకు ముందు నెల అంటే జూన్2023 లో ఐఐపీ పెరుగుదల 3.7 శాతమే. మైనింగ్, మాన్యుఫాక్చరింగ్, ఎలక్ట్రిసిటీ సెక్టార్లు జులై నెలలో మెరుగైన పనితీరు చూపించినట్లు డేటా చెబుతోంది.
