న్యూఢిల్లీ: పోర్చుగల్ సాకర్ లెజెండ్ క్రిస్టియానో రొనాల్డో ఫుట్బాల్ హిస్టరీలోనే అతి పెద్ద డీల్ కుదుర్చుకున్నాడు. మాంచెస్టర్‌ యునైటెడ్‌ క్లబ్కు గుడ్‌‌బై చెస్సిన రొనాల్డో ఇకపై సౌదీ ఆరేబియాకు చెందిన ‘అల్ నాసర్’ ఫుట్బాల్క్లబ్‌‌కు ఆడేందుకు సంతకం చేశాడు. ఇందకోసం అతను ఏడాదికి 200 మిలియన్ యూరోలు (రూ. 1775 కోట్లు) తీసుకుంటాడని తెలుస్తోంది. ఇందులో జీతం 75 మిలియన్ డాలర్లు (రూ. 620 కోట్లు) కాగా, మిగతావి ఎండార్స్మెంట్ల రూపంలో వస్తాయని సమాచారం.
అయితే రొనాల్డో శాలరీని క్లబ్ అధికారికంగా ప్రకటించాల్సి ఉంది. ఓవరాల్గా 2023 నుంచి జూన్ 2025 వరకు (రెండున్నర ఏళ్లు) ఈ కాంట్రాక్ట్ అమల్లో ఉంటుంది. ఈ కాలంలో అన్ని రూపాల్లో కలిపి రొనాల్డోకు రూ. 4400 కోట్లు వస్తాయని తెలుస్తోంది. అయితే, 200 మిలియన్ యూరోల డీల్ అనేది మొత్తం రెండున్నర సంవత్సరాలకు అన్న వార్తలు వస్తున్నాయి. అలా అయినా ఫుట్బాల్ హిస్టరీలో ఇదే అతిపెద్ద డీల్ కానుంది. దాంతో పాటు అత్యధిక శాలరీ తీసుకుంటున్న తొలి ప్లేయర్గానూ రొనాల్డో రికార్డులకెక్కాడు.
గతంలో అర్జెంటీనా స్టార్ లియోనల్ మెస్సీకి.. పీఎస్జీ క్లబ్ ఏడాదికి 35 మిలియన్ పౌండ్లు (రూ. 350 కోట్లు) చెల్లించేది. ఈ రికార్డును ఇప్పుడు రొనాల్డో అధిగమించబోతున్నాడు. కొత్త టీమ్కు సంబంధించిన జెర్సీతో ఉన్న రొనాల్డో ఫొటోను నాసర్ క్లబ్ ట్వీట్‌ చేసింది. ‘వేరే దేశంలో కొత్త లీగ్లో ఆడేందుకు ఎదురుచూస్తున్నా. కొత్త టీమ్మేట్స్తో కలిసేందుకు ఉత్సాహంగా ఉన్నా. క్లబ్కు మంచి విజయాలను అందించేందుకు కృషి చేస్తా. అల్ నాసర్ క్లబ్ దృక్పధం చాలా స్ఫూర్తిదాయకంగా ఉంది’ అని రొనాల్డో వ్యాఖ్యానించాడు. గతంలో అల్ నాసర్ క్లబ్.. తొమ్మిదిసార్లు ప్రొ సౌదీ ఆరేబియన్ లీగ్ టైటిల్స్ నెగ్గింది. చివరిసారిగా 2019లో విన్నర్గా నిలిచింది.
