మెగా నోటిఫికేషన్​.. RRBల్లో 10,447 జాబ్స్

మెగా నోటిఫికేషన్​.. RRBల్లో 10,447 జాబ్స్


కరోనాతో నోటిఫికేషన్లు లేక నిరాశలో ఉన్న నిరుద్యోగులకు ఐబీపీఎస్​ గుడ్​ న్యూస్​ చెప్పింది.  దేశవ్యాప్తంగా ఉన్న రీజనల్​ రూరల్​ బ్యాంకు(ఆర్​ఆర్​బీ)ల్లో ఆఫీసర్​ స్కేల్​–1,2,3 తో పాటు ఆఫీస్​ అసిస్టెంట్​ కొలువులకు నోటిఫికేషన్​ రిలీజ్​ చేసింది. మొత్తం 10,447 ఉద్యోగాలను డిగ్రీ ఉత్తీర్ణులైన అభ్యర్థులతో భర్తీ చేయనున్నారు.  పోస్టులు, ఎగ్జామ్​ ప్యాటర్న్​, ప్రిపరేషన్​ ప్లాన్​ ఈ వారం.. 

ఇన్​స్టిట్యూట్​ ఆఫ్​ బ్యాంకింగ్​ పర్సనల్​ సెలెక్షన్​ (ఐబీపీఎస్​) రీజనల్​ రూరల్​ బ్యాంకుల్లో కామన్​ రిక్రూట్​ ప్రాసెస్​ ద్వారా ఆఫీసర్​ స్కేల్​–1,2,3, ఆఫీసర్​ అసిస్టెంట్​ (మల్టీపర్పస్​) ఉద్యోగాల భర్తీ ప్రక్రియ ప్రారంభించింది. దేశవ్యాప్తంగా 10,447 పోస్టులు ఉండగా తెలంగాణలో 407 ఆఫీస్​ అసిస్టెంట్​ పోస్టులు, 89 స్కేల్​–1 ఉద్యోగాలు ఖాళీగా ఉన్నాయి. 

అర్హతలు: ఆఫీస్​ అసిస్టెంట్​ (మల్టీపర్పస్​) పోస్టుకు బ్యాచిలర్​ డిగ్రీ ఉత్తీర్ణులై ఉండాలి, లోకల్​ లాంగ్వేజ్​, కంప్యూటర్​ నాలెడ్జ్​ తప్పనిసరి. 18 నుంచి 28 ఏండ్ల మధ్య ఉండాలి. స్కేల్​–1,2,3 పోస్టులకు సంబంధిత సబ్జెక్టుల్లో డిగ్రీ ఉత్తీర్ణులై ఉండాలి. పోస్టును బట్టి ఏదైనా బ్యాంక్​ లేదా ఫైనాన్షియల్​ ఇన్​స్టిట్యూట్​లో అనుభవం తప్పనిసరి. ఆఫీసర్​ పోస్టును బట్టి వయసు 18 నుంచి 40 ఏండ్ల మధ్య ఉండాలి. 

సెలెక్షన్​ ప్రాసెస్​: ఆఫీస్​ అసిస్టెంట్లు, ఆఫీసర్​ స్కేల్​–1 పోస్టులకు అప్లై చేసుకున్న వారు ఆన్​లైన్​లో ప్రిలిమ్స్, మెయిన్స్​ రాతపరీక్షలు నిర్వహిస్తారు.స్కేల్​–1 పోస్టులకు ఇంటర్వ్యూ కూడా ఉంటుంది. స్కేల్​–2,3 పోస్టులకు ఒకే రాతపరీక్ష, ఇంటర్వ్యూ ఆధారంగా ఎంపిక చేస్తారు. 

ఈ పరీక్షను దేశవ్యాప్తంగా గుర్తింపు పొందిన అన్ని భాషల్లో రాసుకోవచ్చు. తెలంగాణ అభ్యర్థులు తెలుగు, హిందీ, ఇంగ్లిష్​తో పాటు ఉర్దూలో కూడా పరీక్ష రాసే సౌకర్యం కల్పించారు.

ఎగ్జామ్​ ప్యాటర్న్​

ప్రిలిమ్స్​ ఎగ్జామ్​ ఆఫీస్​ అసిస్టెంట్​(మల్టీపర్పస్​), ఆఫీసర్​ స్కేల్–1 పోస్టులకు మాత్రమే ఉంటుంది. రెండింట్లో రీజనింగ్​, న్యూమరికల్​ ఎబిలిటీ సబ్జెక్టులు ఉంటాయి. ఒక్కో విభాగానికి 40 మార్కుల చొప్పున 80 మార్కులకు ఆబ్జెక్టివ్​ రూపంలో ప్రశ్నపత్రం ఉంటుంది. మెయిన్స్​లో అదనంగా కంప్యూటర్​ నాలెడ్జ్​, జనరల్​ ఆవేర్​నెస్​, లాంగ్వేజ్​ పేపర్​ ఉంటుంది. మెయిన్స్​ 200 మార్కులకు ఉంటుంది. ఆఫీసర్​ స్కేల్​–3 పోస్టులకు సింగిల్​ లెవెల్​ పరీక్ష ఉంటుంది. అనంతరం ఇంటర్వ్యూ ఆధారంగా ఎంపిక చేస్తారు. నెగెటివ్​ మార్కింగ్​ ఉంటుంది. 

ప్రిపరేషన్​ ప్లాన్​

అభ్యర్థులు ప్రిపరేషన్​ను విడివిడిగా కాకుండా ప్రిలిమ్స్​, మెయిన్స్​ దృష్టిలో ఉంచుకొని కొనసాగించాలి. అన్ని టాపిక్స్​ చదివి సమయం వృథా చేయకుండా సిలబస్​లోని అంశాలపైనే ఫోకస్​ చేయాలి. ప్రిపరేషన్​ ముగిసిన వెంటనే మాక్​టెస్టులు ఎక్కువగా ప్రాక్టీస్​ చేయాలి. దీంతో ఎక్కడ తప్పులు చేస్తున్నామో తెలుసుకోవచ్చు. టైం పెట్టుకొని మోడల్​ పేపర్స్​ రాస్తుంటే పరీక్ష హాల్లో నిర్ణీత సమయంలో ఎగ్జామ్​ పూర్తి చేయవచ్చు. ప్రతి సబ్జెక్టుకు సరైన సమయం కేటాయించుకొని, క్లిష్టమైన టాపిక్స్​ మీద ఎక్కువ ఫోకస్​ చేయాలి. ప్రతిరోజు న్యూస్​ పేపర్స్​ చదవడం ద్వారా కరెంట్​ ఎఫైర్స్​పై పట్టు సాధించవచ్చు. 

నోటిఫికేషన్​

దరఖాస్తు ఫీజు: జనరల్​ అభ్యర్థులకు రూ.850, ఎస్సీ, ఎస్టీ, పీడబ్ల్యూడీలకు రూ.175, చివరితేది: 28 జూన్​ 2021, ప్రిలిమ్స్​ ఎగ్జామ్​: ఆగస్టు, మెయిన్స్​: సెప్టెంబర్​/ అక్టోబర్​, ఇంటర్వ్యూ: అక్టోబర్​/ నవంబర్​, వెబ్​సైట్​: www.ibps.in