మిర్యాలగూడ, వెలుగు : మిర్యాలగూడ ఎమ్మెల్యే క్యాంప్, డీఎస్పీ, మున్సిపల్ ఆఫీస్ల కూతవేటు దూరంలో కడుతున్న మినీ రవీంద్ర భారతి, ఇంటిగ్రేటెడ్ వెజ్నాన్వెజ్ మార్కెట్కు పక్కనే సుమారు రూ.12 కోట్ల విలువైన 20 గుంటలకుపైగా ఉన్న ఎన్ఎస్పీ స్థలాన్ని కొందరు కబ్జాచేసేందుకు ప్రయత్నిస్తున్నారు.
స్థలాన్ని చదును చేయటంతో ఎన్ఎస్పీ ఆఫీసర్లు టూ టౌన్ పోలీస్ స్టేషన్లో ఫిర్యాదు చేసిన సంఘటన ఆదివారం ఆలస్యంగా వెలుగుచూసింది. కొన్నేళ్ల కింద స్థ లం చుట్టూ కంపౌండ్ వాల్ కట్టి గేటుకు తాళం వేశారు. కాగా కొందరు తాళం పగలగొట్టి జేసీబీ తో స్థలాన్ని చదును చేశారు.
దీంతో ఎన్ఎస్పీ ఆఫీసర్లు ఈ నెల 21న టూటౌన్ పీఎస్లో ఫిర్యాదు చేశారు. ఈ భూమి విలువ గజం రూ. 40 నుంచి 45 వేలకుపైగా ఉంది. ఈ క్రమంలో అక్రమార్కుల కన్ను ఈ భూమిపై ప డింది. పట్టణ నడిబొడ్డున ఉన్న ఈ విలువైన స్థ లం కబ్జా కాకుండా రెవెన్యూ, ఎన్ఎస్పీ ఆఫీసర్లు కట్టుదిట్టమైన చర్యలు తీసుకోవాలని పలువురు కోరుతున్నారు.
