న్యూఢిల్లీ: శ్రీసిమెంట్స్ రూ.23 వేల కోట్ల విలువైన పన్నులను ఎగ్గొట్టిందని, ఇందుకోసం పలు అక్రమాలకు పాల్పడిందని ఐటీ శాఖ వర్గాలు వెల్లడించాయి. సంస్థకు చెందిన పలు ఆఫీసులపై దాడులు చేసి డాక్యుమెంట్లను స్వాధీనం చేసుకున్నట్టు పేర్కొన్నాయి. ఈ కంపెనీ ఏటా రూ.1,200 కోట్ల నుంచి రూ.1,400 కోట్ల వరకు విలువైన పన్నును ఎగ్గొట్టినట్టు గుర్తించారు. ఈ గ్రూప్ ట్యాక్స్ డిడక్షన్ క్లెయిములపై అనుమానం రావడంతో రంగంలోకి దిగిన ఐటీ అధికారులు కుంభకోణం జరిగినట్టు తేల్చారు. మనదేశ చరిత్రలో ఇప్పటి వరకు జరిగిన భారీ పన్ను కుంభకోణాల్లో ఇదీ ఒకటని ఐటీ శాఖ సీనియర్ అధికారి ఒకరు చెప్పారు. కంపెనీతో సంబంధిత గ్రామ సర్పంచ్, గ్రామ పంచాయతీ, స్థానిక సంస్థలు కుదుర్చుకున్న ఒప్పందాల వల్ల కేంద్ర రాష్ట్ర ప్రభుత్వాలకు భారీ ఎత్తున నష్టం జరిగింది. ఫోర్జరీకి సంబంధించి అధికారులు పలు డాక్యుమెంట్లను సీజ్ చేశారు.
అయితే ఐటీ అధికారుల విచారణ గురించి తమకు ఏమీ తెలియదని శ్రీసిమెంట్ గ్రూపు మెంబర్లు కొందరు అన్నారు. దాడుల తర్వాత శ్రీ గ్రూప్ చైర్మన్ హెచ్.ఎన్.బంగూర్, వైస్ చైర్మన్ ప్రశాంత్ బంగూర్ వెళ్లిపోయారు. ఈ సందర్భంగా గ్రూప్ జాయింట్ ప్రెసిడెంట్ అరవింద్ ఖిచాను పలుమార్లు విచారణకు పిలిచినప్పటికీ ఆయన కూడా ఆదాయపన్ను శాఖ అధికారుల ముందు హాజరుకాలేదు. ఐటీ అధికారులు సైతం సంస్థ సీనియర్ ఎగ్జిక్యూటివ్లను సంప్రదించలేకపోయారు. దీనిపై కంపెనీ అధికారులు వివరణ ఇచ్చారు. ఐటీ శాఖ తమ ఆఫీసుల్లో సర్వే నిర్వహిస్తోందని, వారికి పూర్తిగా సహకరిస్తున్నామని అన్నారు. తమ కంపెనీ మేనేజ్మెంట్ టీమ్ వారికి అందుబాటులో ఉందని చెప్పారు. ఐటీ శాఖ ఎలాంటి సమాచారం కోరినా ఇస్తామన్నారు. ఈ విషయాన్ని బీఎస్ఈ, ఎన్ఎస్ఈలకు శ్రీసిమెంట్స్ తెలియజేసింది. సంస్థ ఇన్వెస్టర్లకు కూడా దాడుల గురించి వివరణ ఇచ్చినట్టు తెలిసింది.
ALSO READ:లక్ష మంది ఆసాములకు 670 కోట్ల రైతుబంధు..లిస్టులో ప్రజాప్రతినిధులు, లీడర్లు, పెద్దాఫీసర్లు
24 చోట్ల దాడులు
జైపూర్ ఆదాయపు పన్ను శాఖ కార్యాలయానికి చెందిన బృందం జైపూర్, బీవార్, ఉదయ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పూర్, అజ్మీర్, చిత్తోర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గఢ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోని శ్రీ సిమెంట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు చెందిన 24కిపైగా ప్రదేశాలపై దాడులు చేసింది. ఈ సోదాల్లో 200 మందికి పైగా ఆదాయపు పన్ను శాఖ అధికారులు, పోలీసులు పాల్గొన్నారు. సిమెంట్ ఉత్పత్తి కోసం కొనుగోలు చేసిన బొగ్గుకు సంబంధించిన ఖాతాల్లో, అందుకు సంబంధించిన చెల్లింపుల్లో భారీగా అక్రమాలు జరిగాయని తేల్చారు. కొత్త టెక్నాలజీ, సాఫ్ట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌వేర్ సాయంతో ఆ శాఖ ఈ మోసాన్ని ఐటీశాఖ గుర్తించింది. నిజమైన బకాయిలకు, శ్రీసిమెంట్తీసుకున్న పన్ను మినహాయింపులకు మధ్య చాలా తేడాలు ఉన్నట్టు వెల్లడయింది. శ్రీసిమెంట్ మాదిరే మరికొన్ని కంపెనీలు కూడా తమ నిఘాలో ఉన్నాయని, వాటిపైనా త్వరలోనే దాడులు చేస్తామని ఐటీ శాఖ అధికారులు చెబుతున్నారు. పలు రియల్ ఎస్టేట్, మైనింగ్ కంపెనీలు, బడా వ్యాపారులు పన్నులు ఎగ్గొట్టినట్టు గుర్తించామని అన్నారు. ఇదిలా ఉంటే శ్రీసిమెంట్స్లో రూ.23 వేల కోట్ల కుంభకోణం బయటపడ్డట్టు వార్తలు రావడంతో స్టాక్ మార్కెట్లో కంపెనీ షేర్లు కుప్పకూలాయి. సోమవారం ఇంట్రాడేలో 10 % పడగా, చివరికి 6 % నష్టపోయి రూ.23,740 వద్ద ముగిశాయి.
