- ఈనెల జీతాలు ఆపేసిన రాష్ట్ర గ్రామీణాభివృద్ధి శాఖ
- రాష్ట్రంలో 13 వేల మంది ఉద్యోగులు
- పే స్కేల్ వస్తే తప్ప కష్టాలు తీరవని ఆవేదన
నల్గొండ, వెలుగు : రాష్ట్రంలో పనిచేస్తున్న జాతీయ ఉపాధి హామీ పథకం ఉద్యోగుల జీతాలకు బ్రేక్ పడింది. రాష్ట్ర గ్రామీణాభివృద్ధి సంస్థ ఖజానా ఖాళీ కావడంతో జీతాలు ఆపేసింది. సాధారణంగా ఉపాధి హామీ పథకంలో అడ్మిన్, స్టేషనరీ ఖర్చుల కింద 6 శా తం బడ్జెట్ కేటాయిస్తారు. ఈ ఆర్ధిక సంవత్సరానికి ఏప్రిల్ నుంచి ఆగస్టు వరకు రాష్ట్రవ్యాప్తంగా రూ.200 కోట్ల పనులు జరిగా యి. దీంట్లో కూలీలకు రూ.144 కోట్లు చెల్లించగా, మెటీరియల్ కాంపోనెంట్ కింద రూ. 51 కోట్లు చెల్లించారు. మొత్తం కలిపి సుమారు రూ.200 కోట్లు. దీంట్లో ఆరు శాతం లెక్కన రూ.120 కోట్లు అడ్మిన్ ఖర్చుల కింద ఉద్యోగుల జీతాలు, స్టేషనరీబిల్లులు, ఎంపీడీఓల కార్ల రెంట్లు చెల్లించాల్సి ఉంది. ఏప్రిల్ నుంచి జూలై వరకు రూ.120 కోట్లు పేమెంట్ చేశారు.
ఆగస్టు నుంచి ఉపాధి హామీ పనులు జరగకపోవడంతో గ్రామీణాభివృద్ధి శాఖ ఖజానా ఖాళీ అయ్యింది. అయితే, అప్పటికే నిల్వ ఉన్న బడ్జెట్లో ఏదోరకంగా ఇబ్బందిపడి గత నెల జీతాలు సర్దుబాటు చేశారు. కానీ, ఈనెల జీతాలకు చిల్లిగవ్వ కూడా లేకపోవడంతో ఇప్పటి వరకు జీతాలు చెల్లించలేదు. రాష్ట్రంలో ఉపాధి హామీ ఉద్యోగులు నాలుగు వేల మంది పనిచేస్తుండగా, ఫీల్డ్ అసిస్టెంట్లు 9 వేల మంది వరకు ఉన్నారు. వీళ్లందరికి జీతాల రూపంలో ప్రతినెలా రూ .30 కోట్లు చెల్లించాల్సి ఉంటుంది.
ప్రతి నెలా మొదటి వారంలోనే జీతాలు ఉద్యోగుల అకౌంట్లలో పడతాయి. కానీ, ఇప్పుడు జీతాలు లేట్ కావడంతో ఉ ద్యోగులు ఆందోళన చెందుతున్నారు. ఉపాధి హామీలో కొత్తగా వచ్చిన ఎన్ఐసీ సాఫ్ట్వేర్ ఏ నెల జీతాలు ఆ నెల చెల్లిస్తేనే సాఫ్ట్వేర్ రిసీవ్ చే సుకుంటుంది. ఒక్క నెల ఆలస్యమైనా జీతాలు పెండింగ్లో పడిపోతాయి. మళ్లీ వాటిని వెనక్కి తెచ్చుకోవడం కష్టమని ఉద్యోగులు ఆవేదన చెందు తున్నారు.
