వెల్లడించిన ఏఓఎన్పీఎల్సీ సర్వే
న్యూఢిల్లీ: ప్రస్తుత సంవత్సరంలో చాలా సెక్టార్ల ఉద్యోగులకు 10.6 శాతం వరకు శాలరీ పెరుగుతుందని తాజా సర్వే ఒకటి వెల్లడించింది. అత్యధికంగా జీతాల పెరుగుదల ఉండే ఐదు రంగాలలో నాలుగు టెక్నాలజీకి సంబంధించినవేనని పేర్కొంది! మార్కెట్లలో ఒడిదుడుకులు, గ్లోబల్గా ఆర్థిక మాంద్యం వంటి సమస్యలను ఇవి ఎదుర్కొంటున్నాయని ఏఓఎన్పీఎల్సీ నిర్వహించిన సర్వే తెలిపింది. దీని ప్రకారం.. 2022లో ఇప్పటి వరకు 10.6శాతం వార్షిక పెరుగుదల ఉండగా, 2023లో భారతదేశంలో జీతాలు 10.4శాతం పెరుగుతాయని అంచనా. ఈ గ్లోబల్ ప్రొఫెషనల్ సర్వీసెస్ సంస్థ ఇండియాలోని 40 రంగాలకు చెందిన 1,300 కంపెనీల డేటాను పరిశీలించి ఈ రిపోర్టును తయారు చేసింది.
ప్రపంచవ్యాప్తంగా జర్మనీ (3.5%), యూకే (4%), అమెరికా (4.5%), చైనా (6%) బ్రెజిల్ (5.6%), జపాన్ (3%) దేశాలతో పోలిస్తే 2022లో ఇప్పటి వరకు అత్యధిక జీతాలు పెరిగిన ఏకైక దేశం ఇండియానే కావడం విశేషం. 10.6శాతం వరకు ఇంక్రిమెంటు మరే దేశంలోనూ ఇవ్వలేదు. ఇదిలా ఉంటే కరోనాకు మనదేశంలో జీతాల పెంపు సింగిల్ డిజిట్ను మించలేదు. 2019లో ఇది 9.3% కాగా, 2020లో 6.1% 2021లో 9.3% జీతాలు పెరిగాయి.
