నాటకం ఫేం కళ్యాణ్ జి గోగణ డైరెక్షన్లో ఆది సాయికుమార్ హీరోగా నటిస్తున్న సినిమా 'తీస్ మార్ ఖాన్'. ఆది సరసన పాయల్ రాజ్ పుత్ హీరోయిన్ గా నటిస్తుండగా..పూర్ణ, సునీల్ కీలకపాత్రలు పోషిస్తున్నారు. ఇప్పటికే రిలీజైన ఈ సినిమా పోస్టర్స్, గ్లింప్స్, టీజర్‌లు, ఫస్ట్ సింగిల్‌తో ఆకట్టుకున్నాయి. ఫస్ట్ సింగిల్ పాప ఆగవే అంటూ సాగే ఈపాటలో ఆది, పాయల్ రాజ్‌పుత్ కెమిస్ట్రీ అందరినీ ఆకట్టుకుంది. తాజాగా ‘సమయానికే’ అంటూ ఈ మూవీ నుంచి సెకండ్ సింగిల్‌ను రిలీజ్ చేశారు. సోమవారం వచ్చిన ఈ మెలోడీ సాంగ్ లో ఆది, పాయల్ రాజ్‌పుత్‌ల జోడి ఆకట్టుకుంది. ఈ పాటలో పాయల్ గ్లామర్ హైలెట్ కాగా.. ఆది షర్ట్ లేకుండా కనిపించారు. ఆది చేసిన వర్కవుట్లు, శరీరాకృతిని మార్చుకునేందుకు పడిన కష్టం ఈ వీడియో సాంగ్‌లో కనిపిస్తుంది. ఈ పాటకు సాయి కార్తీక్ అద్భుతమైన మెలోడీ ట్యూన్‌ను అందించగా..రాకేందు మౌళి సాహిత్యాన్ని సమకూర్చారు. శృతి ఈ పాటను ఆలపించారు. స్టూడెంట్, రౌడీ, పోలీస్ గా మూడు వేరియేషన్స్ ఉన్న పాత్రలో ఆది సాయికుమార్ నటించిన ఈ సినిమా..ఆగస్ట్ 19న ప్రేక్షకుల ముందుకు రాబోతోంది. విజన్ సినిమాస్ బ్యానర్ పై రూపొందిన ఈ సినిమాను ప్రముఖ వ్యాపారవేత్త డా.నాగం తిరుపతి రెడ్డి నిర్మిస్తున్నారు.
నటీనటులు
ఆది సాయి కుమార్, పాయల్ రాజ్ పుత్, సునీల్, అనూప్ సింగ్ ఠాకూర్, కబీర్ సింగ్, పూర్ణ తదితరులు
సాంకేతిక నిపుణులు
బ్యానర్ : విజన్ సినిమాస్
డైరెక్టర్ : కళ్యాణ్ జి గోగణ
ప్రొడ్యూసర్ : నాగం తిరుపతి రెడ్డి
ఎగ్జిక్యూటివ్ ప్రొడ్యూసర్ : యాళ్ల తిర్మల్ రెడ్డి
మ్యూజిక్ : సాయి కార్తీక్
ఎడిటర్ : మణికాంత్
సినిమాటోగ్రాఫర్: బాల్ రెడ్డి
పీఆర్వో : సాయి సతీష్ , పర్వతనేని రాంబాబు
