గ్రామ పంచాయతీ ఎన్నికల్లో జోరుగా నామినేషన్లు వేస్తున్నారు అభ్యర్థులు. ఫస్ట్ ఫేజ్ కు ఇవాళ్టి(నవంబర్ 29)తో గడువు ముగుస్తుంది. రిజర్వేషన్లతో కొన్ని చోట్ల అభ్యర్థులకు అదృష్టం కలిసొస్తుంది. ఒకే కుటుంబానికి చెందిన వారికి సర్పంచ్ ,వార్డు మెంబర్లుగా పోటీ చేసే అవకాశం వస్తుంది.
లేటెస్ట్ గా వరంగల్ జిల్లా సంగెం మండలం ఆశాలపల్లికి చెందిన గ్రామం ఎస్సీ మహిళకు కేటాయించబడింది. ఈ గ్రామంలో సుమార్ 1600కు పైగా ఓట్లు ఉన్నాయి.అయితే ఒకే ఒక్క ఓటరు మల్లమ్మ అనే ఎస్సీ మహిళా ఉన్నారు. దీంతో ఆమెకే సర్పంచ్ పదవి కన్ఫర్మ్ అయినట్లు గ్రామస్తులు చెబుతున్నారు.
మల్లమ్మకు కొడుకులు లేరు, ముగ్గురు కూతుళ్లకు పెళ్లి అయింది. భర్త కొన్ని రోజుల క్రితం చనిపోయాడు. నిరుపేద కుటుంబానికి చెందిన మల్లమ్మ ఆర్థికంగా కష్టాల్లో ఉంది. తన భర్త చనిపోతే గ్రామానికి చెందిన పలువురు ఆర్థిక సాయం చేశారు. ఇపుడు రిజర్వేషన్లతో మల్లమ్మకు సర్పంచ్ పదవి వరించింది. తనకు సర్పంచ్ గా పోటీ చేసే అవకాశం వచ్చిందని ఊరికి మంచి పనులు చేస్తానని మల్లమ్మ చెబుతోంది. తనకు ఎవరూ లేరని..ఊరందరి సపోర్ట్ తో సర్పంచ్ పదవికి పోటీ చేస్తానని అంటోంది. మల్లమ్మకు సర్పంచ్ పదవి ఖాయం కావడంతో కొందరు రాజకీయ నాయకులు ఆమెను తమ పార్టీలో చేర్చుకునేందుకు ప్రయత్నాలు చేస్తున్నారు.
ఒకే కుటుంబానికి మూడు పదవులు
వికారాబాద్‌‌‌‌‌‌‌‌‌‌‌‌‌‌‌‌జిల్లా బషీరాబాద్‌ మండలంలోని మంతన్‌‌‌‌‌‌‌‌‌‌‌‌‌‌‌‌గౌడ్‌ గ్రామంలో ఒకే కుటుంబానికి మూడు పదవులు రాబోతున్నాయి. 494 మంది ఓటర్లు, 8 వార్డులు ఉన్న గ్రామంలో సర్పంచ్ తో పాటు ఓ వార్డు పదవి ఎస్టీ జనరల్‌‌‌‌‌‌‌‌‌‌‌‌‌‌‌‌కు రిజర్వ్‌ కాగా, మరో వార్డు ఎస్టీ మహిళకు రిజర్వ్‌‌‌‌‌‌‌అయ్యింది. ఈ గ్రామంలో ఎస్టీ సామాజిక వర్గానికి చెందిన ఎరుకలి భీమప్ప కుటుంబం ఒక్కటే ఉంది. భీమప్పతో పాటు అతడి భార్య వెంకటమ్మ గ్రామంలో ఉంటుండగా.. అతడి కుమారులు ఎల్లప్ప, మహేశ్‌, కోడళ్లు స్వప్న, సుజాత పిల్లలతో కలిసి చందానగర్‌‌‌‌‌‌‌‌‌‌‌‌‌‌‌‌లో ఉంటున్నారు. సర్పంచ్, రెండు వార్డు సభ్యుల పదవులు ఎస్టీకి రిజర్వ్‌ కావడంతో ఈ కుటుంబానికి చెందిన ఆరుగురిలో ముగ్గురికి మూడు పదవులు దక్కనున్నాయి.
