కామారెడ్డి, వెలుగు: జిల్లాలోని అన్ని గ్రామాల్లో సివిల్ రైట్స్ డేని ప్రతీనెల నిర్వహించాలని ఎస్సీ, ఎస్టీ కమిషన్చైర్మన్ బక్కి వెంకటయ్య అన్నారు. మంగళవారం కామారెడ్డి కలెక్టరేట్లో ఎస్సీ, ఎస్టీ కేసులపై రివ్యూ మీటింగ్ నిర్వహించారు. ఈ సందర్భంగా ఆయన మాట్లాడుతూ ఎస్సీ, ఎస్టీ చట్టంపై ప్రజలకు అవగాహన కల్పించాలన్నారు. జిల్లాలో ఎస్సీ, ఎస్టీ లపై జరిగిన దాడుల కేసులు, భూ సంబంధ కేసులు, సర్వీసు మ్యాటర్స్ పై నెలలోపు రిపోర్ట్ పంపాలని ఆదేశించారు. పోలీస్ స్టేషన్లలో నమోదైన పిటీషన్లను పరిశీలించాలన్నారు.
అలాగే రెసిడెన్సియల్ స్కూల్స్, హాస్టల్స్ను తనిఖీ చేయాలన్నారు. జిల్లాలో అంబేడ్కర్ భవన నిర్మాణానికి చర్యలు తీసుకొవాలని కలెక్టర్కు సూచించారు. కమిషన్ సభ్యులు నీలబాయి, లక్ష్మీనారాయణ, రాంబాబు నాయక్ మాట్లాడారు. ప్రతీ ఒకరు చదువుకుంటే చట్టాల గురించి తెలుసుకోవచ్చన్నారు. కలెక్టర్ ఆశిష్ సంగ్వాన్, ఎస్పీ సింధూశర్మ, అడిషనల్ కలెక్టర్ శ్రీనివాస్రెడ్డి, ఆర్డీవోలు రంగనాథ్రావు, ప్రభాకర్, డీఎస్పీలు నాగేశ్వర్రావు, సత్యానారాయణ, శ్రీనివాసులు , ఆయా శాఖల ఆఫీసర్లు, వివిధ సంఘాల ప్రతినిధులు పాల్గొన్నారు.
