మొదటి దశను మించి.. రెండో దశలో పోలింగ్..ఉమ్మడి కరీంనగర్ జిల్లావ్యాప్తంగా భారీగా ఓటింగ్

• కరీంనగర్ జిల్లాలో 86.58 శాతం , రాజన్న సిరిసిల్ల జిల్లాలో 84.41 శాతం
• పెద్దపల్లి జిల్లాలో 80.84, జగిత్యాలలో 78.34 శాతం

కరీంనగర్/వేములవాడ/పెద్దపల్లి/జగిత్యాల, వెలుగు: ఉమ్మడి కరీంనగర్ జిల్లావ్యాప్తంగా రెండో దశ పంచాయతీ ఎన్నికలు ఆదివారం ప్రశాంతంగా ముగిశాయి. పెద్దపల్లి జిల్లా మినహా కరీంనగర్, రాజన్న సిరిసిల్ల, జగిత్యాల జిల్లాల్లో మొదటి దశ ఎన్నికలను మించి రెండో దశ ఎన్నికల్లో ఓటర్లు పోటెత్తారు. అసెంబ్లీ, పార్లమెంట్ ఎన్నికలతో పోలిస్తే ఓటర్ల తరలింపు, స్వచ్ఛందంగా ఓటర్ల రాక పంచాయతీ ఎన్నికల్లో భారీగా పెరిగింది.  కరీంనగర్ జిల్లాలో 86.58 శాతం , రాజన్న సిరిసిల్ల జిల్లాలో 84.41 శాతం, పెద్దపల్లి జిల్లాలో 80.84, జగిత్యాల జిల్లాలో 78.34 శాతం పోలింగ్ నమోదైంది. 
     
కరీంనగర్ జిల్లాలో గన్నేరువరం, తిమ్మాపూర్, మానకొండూరు, శంకరపట్నం, చిగురుమామిడి మండలాల్లోని 111 గ్రామాల్లో మొత్తం 1,85,003 ఓటర్లకుగానూ 1,60,184 మంది ఓటర్లు(86.58శాతం) తమ ఓటు హక్కు వినియోగించుకున్నారు.  చిగురుమామిడి మండలంలో ఒక ట్రాన్స్ జండర్ ఓటు వేశారు. మొదటి దశ ఎన్నికల్లో 81.42 శాతమే పోలింగ్ నమోదుకాగా, ఈ సారి 5 శాతం ఓటింగ్ పెరిగింది.  
    
 రాజన్న సిరిసిల్ల జిల్లాలో రెండో విడత ఎన్నికలు ప్రశాంతంగా జరిగాయి. జిల్లావ్యాప్తంగా 84.41 శాతం పోలింగ్​ నమోదైంది. మొత్తం 1,04,905 ఓటర్లలో 88,553 మంది ఓటు హక్కు వినియోగించుకున్నారు.  
    
 పెద్దపల్లి జిల్లాలో  రెండో దశ ఎన్నికలు ప్రశాంతంగా ముగిశాయి. ధర్మారం, జూలపల్లి, పాలకుర్తి, అంతర్గాం మండలాల పరిధిలోని 73  గ్రామ పంచాయతీల్లో ఎన్నికలు జరిగాయి. వీటి పరిధిలో  మొత్తం 1,12,658 మంది ఓటర్లు ఉండగా, 94,807 మంది ఓటర్లు తమ ఓటు హక్కు వినియోగించుకున్నారు.  వీరిలో మహిళలు  47,775, పురుషులు 47,029  ఉన్నారు.  
    
 జగిత్యాల జిల్లాలో రెండో విడత గ్రామ పంచాయితీ ఎన్నికలు ఆదివారం ప్రశాంతంగా ముగిశాయి. జిల్లాలో బీర్పూర్‌‌‌‌‌‌‌‌‌‌‌‌‌‌‌‌, జగిత్యాల, జగిత్యాల రూరల్, కొడిమ్యాల, మల్యాల, రాయికల్, సారంగాపూర్ మండలాల పరిధిలో పోలింగ్ నిర్వహించారు. ఏడు మండలాల్లో మొత్తం 2,08,168 ఓటర్లు ఉండగా, 1,63,074 మంది తమ ఓటు హక్కును వినియోగించుకున్నారు. దీంతో జిల్లాలో మొత్తం పోలింగ్ శాతం 78.34గా నమోదైంది. రెండో విడత గ్రామ పంచాయితీ ఎన్నికలు ఎలాంటి అవాంఛనీయ ఘటనలు లేకుండా ప్రశాంతంగా ముగిశాయి.

కరీంనగర్‌‌‌‌‌‌‌‌‌‌‌‌‌‌‌‌

మండలం              మొత్తం ఓట్లు    పోలైన ఓట్లు    పోలింగ్​శాతం 

చిగురుమామిడి          34,370                 29,498                85.82
గన్నేరువరం             17,430                 15,435                 88.55
మానకొండూర్           56,922                 49,328                  86.66
శంకరపట్నం             37,867                33,334                  88.03
తిమ్మాపూర్                 38,414                32,589                  84.84
మొత్తం                     1,85,003               1,60,184                86.58  

జగిత్యాల జిల్లా 

మండలం       మొత్తం ఓట్లు    పోలైన ఓట్లు         శాతం

బీర్పూర్‌‌‌‌‌‌‌‌                 17,491                14,037                 80.25
జగిత్యాల                 9,727                  7,904                  81.26
జగిత్యాల(రూ)         45,021               34,976                77.69
కొడిమ్యాల               37,977               29,787                78.43
మల్యాల                  40,307               31,060                77.06 
రాయికల్                 37,959               30,031                79.11
సారంగాపూర్           19,686              15,279                77.61
మొత్తం                    2,08,168           1,63,074             78.34

పెద్దపల్లి జిల్లా 

మండలం   మొత్తం ఓట్లు   పోలైన ఓట్లు    శాతం   

 అంతర్గాం    17,930    15,445     86.40

ధర్మారం    42,447    32,076    82.88

జూలపల్లి    24,163    20,479    85.21

పాలకుర్తి    28,118    23,030    83.88

మొత్తం    1,12,658    91,076    84.15

రాజన్న సిరిసిల్ల జిల్లా 

మండలం    మొత్తంఓట్లు    పోలైన ఓట్లు    శాతం

బోయినిపల్లి      30,505               25,858              84.77
తంగళ్లపల్లి       38,468               32,111              83.47
ఇల్లంతకుంట     35,932           30,584              85.12
మొత్తం             1,04,905            88,553             84.41