ముషీరాబాద్, వెలుగు: సెగ్మెంట్లో చేసిన అభివృద్ధి చూసి ఓటేయాలని ముషీరాబాద్ బీఆర్ఎస్ అభ్యర్థి ముఠా గోపాల్ కోరారు. ఎన్నికల ప్రచారంలో భాగంగా బుధవారం సెగ్మెంట్ పరిధి అడిక్ మెట్, చర్చిలైన్, స్వామి హాస్పిటల్, మేడిబాయి బస్తీ, రామాలయం, టీఆర్టీ కాలనీ, లక్ష్మమ్మ పార్క్, గణేశ్నగర్ ప్రాంతాల్లో బీఆర్ఎస్ నేత శ్రీనివాస్ రెడ్డితో కలిసి ఆయన ఇంటింటికి పాదయాత్ర చేస్తూ వెళ్లారు.
ఈ సందర్భంగా ముఠా గోపాల్ మాట్లాడుతూ.. ప్రభుత్వ సంక్షేమ పథకాలు, అభివృద్ధి కొనసాగాలంటే బీఆర్ఎస్ మళ్లీ అధికారంలోకి రావాలన్నారు. తనను మరోసారి గెలిపించాలని ఓటర్లను ఆయన అభ్యర్థించారు. ఆయన వెంట చిట్టి శ్యాంసుందర్, నేత శ్రీనివాస్, ఖాదిర్‌ ఉన్నారు.
