నిర్మల్, సారంగాపూర్ వెలుగు: బీఆర్ఎస్ పార్టీకి చెందిన సీనియర్ కౌన్సిలర్ అయ్యన్నగారి రాజేందర్ బుధవారం బీఆర్ఎస్లో చేరారు. రాజేందర్కు బీజేపీ రాష్ట్ర ఎన్నికల కమిటీ చైర్మన్ ఈటల రాజేందర్, బీజేపీ జాతీయ కార్యవర్గ సభ్యుడు ఏలేటి మహేశ్వర్ రెడ్డి కండువా కప్పి పార్టీలోకి ఆహ్వానించారు. సారంగాపూర్మండలం మార్కెట్ కమిటీ మాజీ డైరెక్టర్, బీఆర్ఎస్సీనియర్ నేత బాలకిష్టు రాజేందర్ తదితరులు బీజేపీలో చేరారు. ఈ సందర్భంగా నిర్మల్లో భారీ ర్యాలీ నిర్వహించారు.
ఆమరణ నిరాహార దీక్ష అనంతరం మహేశ్వర్ రెడ్డి మొదటిసారిగా బహిరంగ ర్యాలీలో పాల్గొనడంతో ఆయనకు పార్టీ కార్యకర్తలు పూలదండలతో స్వాగతం పలికారు. బీఆర్ఎస్లో కుటుంబ పాలన కొనసాగుతోందని, అవినీతి అక్రమాలు తారాస్థాయికి చేరుకున్నాయని నేతలు ఆరోపించారు. ప్రజలకు ఇచ్చిన ఏ ఒక్క హామీని ప్రభుత్వం నెరవేర్చలేదన్నారు. నిర్మల్ లో ఇంద్రకరణ్ రెడ్డికి ఓటమి ఖాయమన్నారు. ఈ కార్యక్రమంలో పార్టీ రాష్ట్ర కార్యవర్గ సభ్యుడు రామారావు పటేల్, పెద్దపల్లి జిల్లా ఇన్చార్జ్ రావుల రామనాథ్, పార్లమెంటు ఇన్చార్జ్ భూమయ్య, జిల్లా ప్రధాన కార్యదర్శులు సామ రాజేశ్వర్ రెడ్డి, మెడిసిమ్మరాజు తదితరులు పాల్గొన్నారు.
