హైదరాబాద్: మంత్రి కేటీఆర్ వ్యాఖ్యలపై వైఎస్ఆర్టీపీ అధ్యక్షురాలు షర్మిల కౌంటర్ ఇచ్చింది. శనివారం వేములవాడలో నిర్వహించిన హెల్త్ ప్రొఫైల్ కార్యక్రమంలో కేటీఆర్ మాట్లాడుతూ.. తెలంగాణలో అమలు చేస్తున్న పథకాల కంటే మిగతా రాష్ట్రాల్లో మంచి పథకాలు చూపిస్తే తాను రాజీనామాకు సిద్ధమని బీజేపీ, కాంగ్రెస్ నేతలకు సవాలు విసిరారు. రాజీనామా చేస్తానన్న కేటీఆర్ వ్యాఖ్యలపై షర్మిల సెటైర్లు వేశారు.
రైతులకు రుణమాఫీ చెయ్యడం లేదని రాజీనామా చేస్తారా? రైతులు పంట నష్టపోతే ఆదుకోవడానికి పంట బీమా అమలు చేయట్లేదని రాజీనామా చేస్తారా? అని ప్రశ్నించారు. నోటిఫికేషన్స్ ఇవ్వకుండా, యువతను నిరుద్యోగానికి బలిచేస్తున్నందుకు రాజీనామా చేస్తారా? కాంట్రాక్ట్ ఉద్యోగాలు ఉండవు అని మాట ఇచ్చి, ఉన్న ఉద్యోగాలను పీకేస్తున్నందుకు రాజీనామా చేస్తారా? పేదలందరికి డబుల్ బెడ్రూం ఇల్లు ఇవ్వలేదని రాజీనామా చేస్తారా? అని షర్మిల కేటీఆర్ ను ప్రశ్నించారు.
దళితులకు 3 ఎకరాల భూమి ఇవ్వలేదని రాజీనామా చేస్తారా? మహిళలకు సున్నా వడ్డీకే రుణాలు ఇవ్వలేదని రాజీనామా చేస్తారా? పేద విద్యార్థులకు ఫీజు రీయింబర్స్ మెంట్ ఇస్తలేరని రాజీనామా చేస్తారా? అని ప్రశ్నించారు. ‘మీరెందుకు రాజీనామా చేస్తారు చిన్న దొరా? మీరు సల్లంగుండాలి. రాష్ట్రం రావణకాష్టం కావాలి. అంతే కదా మీ అద్భుత పాలన? ’ అంటూ షర్మిల వ్యగ్యాస్త్రాలు సంధించారు.
రుణమాఫీ చెయ్యడం లేదని రాజీనామా చేస్తారా?
— YS Sharmila (@realyssharmila) March 6, 2022
రైతులు పంట నష్టపోతే ఆదుకోవడానికి పంట బీమా అమలు చేయట్లేదని రాజీనామా చేస్తారా?
నష్టపోయిన రైతుకు ఇన్పుట్ సబ్సిడీ అందిస్తలేరని రాజీనామా చేస్తారా?
రైతు బీమా రైతులందరికి అందిస్తలేరని రాజీనామా చేస్తారా? కౌలు రైతును రైతుగానే గుర్తిస్తలేరని 1/3 pic.twitter.com/gGazmKYGHl
రాజీనామా చేస్తారా?
— YS Sharmila (@realyssharmila) March 6, 2022
నోటిఫికేషన్స్ ఇవ్వకుండా, యువతను నిరుద్యోగానికి బలిచేస్తున్నందుకు రాజీనామా చేస్తారా? కాంట్రాక్ట్ ఉద్యోగాలు ఉండవు అని మాట ఇచ్చి, ఉన్న ఉద్యోగాలను పీకేస్తున్నందుకు రాజీనామా చేస్తారా?
పేదలందరికి డబుల్ బెడ్రూం ఇల్లు ఇవ్వలేదని రాజీనామా చేస్తారా? దళితులకు 3 ఎకరాల 2/3
భూమి ఇవ్వలేదని రాజీనామా చేస్తారా? మహిళలకు సున్నా వడ్డీకే రుణాలు ఇవ్వలేదని రాజీనామా చేస్తారా? పేద విధ్యార్థులకు ఫీజు రీయింబర్స్ మెంట్ ఇస్తలేరని రాజీనామా చేస్తారా?
— YS Sharmila (@realyssharmila) March 6, 2022
మీరెందుకు రాజీనామా చేస్తారు చిన్న దొరా?
మీరు సల్లంగుండాలి. రాష్ట్రం రావణకాష్టం కావాలి.అంతే కదా మీ అద్భుత పాలన? 3/3
