59వ రోజు కొనసాగుతున్న షర్మిల పాదయాత్ర

గరీబ్ పేటలో రైతు ధర్నా, కొత్తగూడెంలో సభ

భద్రాద్రి కొత్తగూడెం జిల్లాలో 59 వ రోజు షర్మిల ప్రజా ప్రస్థాన పాదయాత్ర కొనసాగుతోంది. ఇవాళ సుజాతా నగర్ మండలం,నిమ్మలగుడెం నుంచి పాదయాత్ర ప్రారంభించారు షర్మిల. గరీబ్ పేట గ్రామంలో రైతు గోస మహా ధర్నా పాల్గొనున్నారు. తర్వాత రుద్రంపుర్ గ్రామంలో స్థానికుల సమస్యలను అడిగి తెలుసుకుంటారు. ఆ తర్వాత కొత్తగూడెంకు చేరుకుని టౌన్ ఎస్సిబి నగర్ లో ప్రజలను కలిసి సమస్యలను అడిగి తెలుసుకోనున్నారు. సాయంత్రం కొత్తగూడెంలో భారీ బహిరంగ సభ నిర్వహించనున్నారు. సభ తర్వాత లక్ష్మీదేవి పల్లిలో బస చేయనున్నారు షర్మిల.