నాగర్ కర్నూల్ టౌన్, వెలుగు : నాగర్ కర్నూల్ జిల్లా కేంద్రానికి చెందిన షాజ్మీన్ (6) డెంగీతో హైదరాబాద్లోని జూబ్లీహిల్స్ రెయిన్ బో చిన్నపిల్లల దవాఖానలో చికిత్స పొందుతూ మంగళవారం అర్ధరాత్రి చనిపోయింది. కుటుంబసభ్యుల కథనం ప్రకారం..జిల్లా కేంద్రంలోని రహత్ నగర్ కాలనీకి చెందిన ల్యాబ్ టెక్నీషియన్ మహ్మద్షాకీర్ కూతురు షాజ్మీన్కు వారం రోజుల కింద జ్వరం వచ్చింది.
దీంతో ఓ ప్రైవేట్ దవాఖానలో పరీక్షలు నిర్వహించగా, డెంగీగా నిర్ధారణయ్యింది. దీంతో ఆమెను హైదరాబాద్ లోని రెయిన్ బో హాస్పిటల్లో చేర్పించారు. అయితే అక్కడ చికిత్స పొందుతున్న షాజ్మీన్ కుగుండెపోటు రావడంతో చనిపోయింది. వారం రోజుల చికిత్స కోసం రూ.18 లక్షలు అప్పు చేసి వైద్యం చేయించినా పాప దక్కలేదని షాకీర్ఆవేదన వ్యక్తం చేశాడు. షాజ్మీన్ శాంతినికేతన్ స్కూల్లో ఒకటో తరగతి చదువుతోంది.
