వనపర్తి, వెలుగు: వనపర్తి జిల్లా చిన్నంబావి మండలం వెలగొండ గ్రామ సర్పంచ్ శివమ్మ మండల కేంద్రంలో మంగళవారం జరిగిన సర్వసభ్య సమావేశానికి పురుగులమందు డబ్బాతో వచ్చారు. అప్పులు తెచ్చి పనులు చేస్తే ఫండ్స్ రిలీజ్ చేయడం లేదంటూ అది తాగి ఆత్మహత్యకు ప్రయత్నించారు. దీంతో అప్రమత్తమైన అధికారులు, తోటి సర్పంచ్ లు ఆమెను అడ్డుకున్నారు. గత 4 సమావేశా సమస్యల గురించి చె;ప్పినా పరిష్కరించలేదని ఆమె అన్నారు. గ్రామంలో ఈ మధ్య కాలంలో చేపట్టిన రూ.26 లక్షల పనులకు బిల్స్ రాక అప్పుల పాలు అయ్యాయని ఆవేదన చెందారు. గ్రామ ఉపసర్పంచ్ తో పాటు అధికారులూ తనకు సహకరించడం లేదని ఆమె కంట తడి పెట్టారు.
