మాస్కో(రష్యా): పాము కనబడితే బెదిరిపోయే వాళ్లు మస్తు మందుంటారు. దాన్ని చూస్తే చాలు పారిపోయే వాళ్లూ చాలా మందే ఉంటారు. అలాంటిది ఓ మహిళ పొట్టలోంచి సుమారు ఒకటిన్నర మీటర్ల పామును బయటకు తీశారు డాక్టర్లు. రష్యాలోని డగెస్టన్‌ ప్రాంతంలో జరిగిందీ సంఘటన. పామును ఎట్లా మింగిందో ఏమో గాని కడుపులో ఏదో తిప్పుతోందని తెలిసేసరికి ఆ మహిళను ఫ్యామిలీ వాళ్లు వెంటనే హాస్పిటల్‌‌‌‌కు తీసుకెళ్లారు. అక్కడ డాక్టర్లు ఆమెకు మత్తు మందిచ్చి గొంతులోకి ఓ పైపును దూర్చారు. కడుపులో పాము ఉన్నట్టు తెలుసుకొని షాకయ్యారు. గ్రిప్పర్ ద్వారా 1.2 మీటర్ల పామును బయటకు తీశారు. ఆ టైమ్‌‌‌‌లో పక్కనే ఉన్న నర్సు పామును చూసి ఒక్కసారిగా భయపడిపోయారు. ఇప్పుడీ వీడియో సోషల్ మీడియాలో వైరలైంది. ఆ పాము బతికుందా లేదా అని నెటిజన్లు కామెంట్లు పెడుతున్నారు. అసలు ఆ పాము ఆమె శరీరంలోకి ఎలా వెళ్లిందో తెలియట్లేదని డాక్టర్లు చెప్పారు. ఆమెకూ తెలియకపోవడం ఇంకింత ఆశ్చర్యమంటున్నారు. కొందరు మాత్రం ఆమె నిద్రపోయినప్పుడు పాము నోట్లోకి పోయి ఉంటుందని చెబుతున్నారు.
ఆటూ మొబైల్‌ నుంచి ఆటమ్‌1.0..ఒక్క సారి ఛార్జ్ చేస్తే 100 కి.మీ
