- ఇటీవలే హిందూ పూజారిపై అటాక్
- తాజాగా సిక్కు మతాధికారిపై దాడి
- ‘‘కంట్రీ, కంట్రీ, గో బ్యాక్, గో బ్యాక్” అని దుండగుడి అరుపులు
అమెరికాలో మరో జాతి విద్వేష దాడి జరిగింది. ఇటీవలే హిందూ పూజారిపై జరిగిన అటాక్మరువకముందే మరో సంఘటన చోటుచేసుకుంది. కాలిఫోర్నియాలోని ఓ గురుద్వారా పూజారి అమర్జిత్ సింగ్పై గురువారం రాత్రి ఓ దుండగుడు దాడికి పాల్పడ్డాడు. గురుద్వారా ఆవరణలోని తన ఇంట్లోకి మాస్క్ధరించిన ఓ దుండగుడు కిటికీని పగులగొట్టుకుని లోపలికి వచ్చాడని, తన మెడపై పిడిగుద్దులు కురిపించాడని ఆయన వెల్లడించారు. నీ దేశానికి నీవు వెళ్లిపో అని అరుస్తూ బూతులు తిడుతూ.. దాడి చేశాడని చెప్పారు. శాన్ఫ్రాన్సిస్కోకు వంద మైళ్ల దూరంలో ఉన్న మోడెస్టో సెరెస్సిఖ్టెంపుల్ వద్ద ఈ సంఘటన జరిగింది. ‘‘కంట్రీ, కంట్రీ, కంట్రీ, గో బ్యాక్, గో బ్యాక్, కంట్రీ” అని అతడు అరిచాడని ఫ్రెస్నో బీ అనే లోకల్న్యూస్పేపర్కు సింగ్ తెలిపారు. జాతి విద్వేషంతోనే ఈ దాడి జరిగిందని గురుద్వారా సభ్యుడు, మోడెస్టో సిటీ కౌన్సిల్మాన్ మణి గ్రివాల్చెప్పారు. అయితే, అప్పుడే ఈ విషయాన్ని నిర్ధారించలేమని, దీనిపై విచారణ ప్రారంభించిన లోకల్పోలీసులు చెప్పారు. లోకల్సెనెటర్జోష్హర్డర్ఈ దాడిని ఖండించారు. సిక్కు మిత్రులకు తాను అండగా ఉంటానన్నారు. ఒక మైనారిటీ వర్గంపై దాడి జరిగితే అన్ని మైనారిటీ వర్గాలపై జరిగిన దాడిగానే చూడాలన్నారు. కాగా, న్యూయార్క్సమీపంలోని గ్లెన్ఓక్స్లో గల శివ శక్తి పీఠం వద్ద స్వామి హరీశ్చందర్పూరి అనే పూజారి జూలై 18న నడుచుకుంటూ వెళుతుండగా, ఓ వ్యక్తి దాడి చేయడం తెలిసిందే. దీనికి సంబంధించి సెర్గియో గౌవియా అనే నిందితుడిని పోలీసులు అరెస్టు చేశారు.