కోల్బెల్ట్, వెలుగు: 2025–-26 ఆర్థిక సంవత్సరానికి సంబంధించిన సింగరేణి సంస్థకు వచ్చిన లాభాలను ప్రకటించి, కార్మికులు 40 శాతం వాటా చెల్లించాలని కార్మిక సంఘాల లీడర్లు డిమాండ్ చేశారు. సోమవారం మంచిర్యాల జిల్లాలోని మందమర్రి, శ్రీరాంపూర్, బెల్లంపల్లి ఏరియాల బొగ్గు గనులు, డిపార్ట్మెంట్లపై సింగరేణి గుర్తింపు సంఘం ఏఐటీయూసీ, టీబీజీకేఎస్, సీఐటీయూ యూనియన్లు వేర్వేరుగా ధర్నాలు, నిరసన కార్యక్రమాలు చేపట్టాయి.
ఈ సందర్భంగా లీడర్లు మాట్లాడుతూ ఆర్థిక సంవత్సరం ముగిసి ఆరు నెలలు దాటినా లాభాలను సింగరేణి యాజమాన్యం ప్రకటించలేదన్నారు. రాష్ట్ర ప్రభుత్వం సింగరేణికి చెల్లించాల్సిన రూ.59 వేల కోట్ల బకాయిలు వెంటనే ఇవ్వాలని డిమాండ్ చేశారు. కార్మిక సంఘాల లీడర్లు వీరభద్రయ్య, ముస్కె సమ్మయ్య, కొట్టె కిషన్రావు, కొమురయ్య, భీమనాధుని సుదర్శనం, కంది శ్రీనివాస్, కె. సురేందర్రెడ్డి, ఎండీ లాల్, అల్లి రాజేందర్ పాల్గొన్నారు.
