- 1,135 మందిని జనరల్ అసిస్టెంట్లుగా నియమిస్తూ సింగరేణి ఉత్తర్వులు
హైదరాబాద్, వెలుగు: రెగ్యులరైజేషన్ కోసం మూడేళ్లుగా ఎదురుచూస్తున్న బదిలీ వర్కర్, జనరల్ అసిస్టెంట్ ట్రైనీలకు సింగరేణి యాజమాన్యం దీపావళి సందర్భంగా తీపికబురు చెప్పింది. దాదాపు 1,135 మంది కార్మికులను జనరల్ అసిస్టెంట్లుగా రెగ్యులర్చేస్తూ శుక్రవారం సింగరేణీ సీఎండీ బుద్దా ప్రకాశ్ జ్యోతి ఉత్తర్వులు జారీ చేశారు. సెప్టెంబర్ 1 నుంచి క్రమబద్ధీకరణ అమలులోకి రానుంది.
2025 డిసెంబర్ 31కు ముందు ఉద్యోగంలో చేరిన వారికి ఈ ఉత్తర్వులు వర్తిస్తాయి. అంతకుముందు భూగర్భ విభాగంలో పనిచేసిన వారు ఏ సంవత్సరంలోనైనా 190 వర్కింగ్ డేస్, ఓపెన్ కాస్ట్ గనులు, బయట విభాగాల్లో పనిచేసిన వారు 240 వర్కింగ్ డేస్ పూర్తి చేసి ఉన్నవారికి కూడా దీనితో ప్రయోజనం కలగనుంది. ఏరియావారీగా అర్హుల జాబితాలను ఈ నెల 23 లోగా సమర్పించాలని జీఎంలను ఆదేశించారు. రెగ్యులరైజ్ అయిన కార్మికులకు డిప్యూటీ సీఎం భట్టి విక్రమార్క అభినందనలు తెలిపారు.
