- ‘క్యోంకీ సాస్ భీ కభీ బహూ థీ-2’ షూటింగ్లో పాల్గొన్న కేంద్ర మాజీ మంత్రి
న్యూఢిల్లీ: అలనాటి సీరియల్ నటి, కేంద్ర మాజీ మంత్రి స్మృతి ఇరానీ రెండు దశాబ్దాల అనంతరం టెలివిజన్లోకి రీ ఎంట్రీ ఇస్తున్నారు. ఐకానిక్ షో ‘క్యోంకీ సాస్ భీ కభీ బహూ థీ’ రెండో సీజన్లో జడ్ ప్లస్ సెక్యూరిటీతో ఆమె పాల్గొన్నారు. రెండు దశాబ్దాల క్రితం స్మృతి ఇరానీ ఈ షోలో తులసి విరానీ పాత్రను పోషించి ఇంటిల్లిపాదికి చేరువయ్యారు. ఈ పాత్ర భారతీయ టెలివిజన్ చరిత్రలోనే అత్యంత ప్రజాదరణ పొందిన వాటిలో ఒకటిగా నిలిచింది. ఈ షో 2000 నుంచి 2008 వరకు ప్రసారమైంది. దీనిని శోభా కపూర్, ఏక్తా కపూర్ సొంత నిర్మాణ సంస్థ బాలాజీ టెలిఫిల్మ్స్ బ్యానర్‌‌‌‌‌‌‌‌‌‌‌‌‌‌‌‌పై నిర్మించారు.
తాజాగా ఈ సీరియల్ రెండో సీజన్ లో స్మృతి ఇరానీ నటించడం ప్రారంభించడంతో సెట్స్ లో కఠినమైన నిబంధనలు విధించారు. ఎటువంటి సన్నివేశాలు లీక్ కాకుండా సెట్స్లోకి సెల్ ఫోన్లను అనుమతించడం లేదు. ఆమె చుట్టూ భారీ బందోబస్తును కూడా ఏర్పాటు చేశారు. ఈ సీరియల్ ఫస్ట్ సీజన్లో నటిస్తూనే 2003లో ఆమె రాజకీయాల్లోకి ఎంట్రీ ఇచ్చారు. బీజేపీలో చేరి కేంద్ర మంత్రిగా సేవలందించారు.
