వెనకడుగు వేయడం అన్ని సందర్భాల్లో చెడు చేయదు. దానివల్ల కూడా లాభాలున్నాయి. ఆశ్చర్యంగా ఉందా? ఇక్కడ చెప్పేది రివర్స్ వాకింగ్ గురించి.ఇది ఆరోగ్యానికి చాలా మేలు చేస్తుంది అంటున్నాయి స్టడీలు.
ఇంటర్నేషనల్ జర్నల్ ఆఫ్ స్పోర్ట్స్ మెడిసిన్ స్టడీ ప్రకారం రివర్స్ వాకింగ్, రన్నింగ్ని మించిన బెస్ట్ కార్డియో ఎక్సర్సైజ్ మరొకటి లేదు. వంద అడుగుల రివర్స్ వాకింగ్ వెయ్యి అడుగుల నార్మల్ వాకింగ్తో సమానం. ఇది బ్రెయిన్ని యాక్టివ్ చేస్తుంది. అలాగే కాలు వెనక భాగంలో ఉండే మజిల్స్ నార్మల్ వాకింగ్లో ఇన్వాల్వ్ అవ్వవు. కానీ, రివర్స్ వాకింగ్లో అన్ని కండరాలు కదులుతాయి. దాంతో కాళ్లు బలంగా అవుతాయి. రివర్స్ వాకింగ్ వల్ల కండరాలకి బ్లడ్, ఆక్సిజన్ సర్క్యులేషన్ వేగవంతం అవుతుంది. స్టడీల ప్రకారం మోకాళ్ల నొప్పులు, గాయాలతో బాధపడేవాళ్లకు రివర్స్ వాకింగ్ బెస్ట్ ఆప్షన్ . రివర్స్ వాకింగ్ వల్ల మోకాళ్లపై ఎక్కువ ఒత్తిడి పడదు. దాంతో ఎన్ని అడుగులేసినా నొప్పులు బాధ ఉండదు. అలాగే రివర్స్ వాకింగ్, రన్నింగ్ వల్ల పాత నొప్పుల నుంచి కూడా రిలీఫ్ ఉంటుంది.
ప్రతిరోజు పావుగంట రివర్స్ వాకింగ్ చేస్తే వెన్ను నొప్పి తగ్గుతుంది. అలాగే తరచూ ఈ ఎక్సర్సైజ్ చేయడం వల్ల ఒకటిరెండు నెలల్లోనే శరీర బరువులో కూడా తేడా వస్తుంది. గుండె పనితీరు కూడా బాగుంటుంది అంటున్నారు రీసెర్చర్లు. అలాగే రివర్స్ వాకింగ్ వల్ల బ్రెయిన్కి, బాడీకి మధ్య కో– ఆర్డినేషన్ బాగుంటుంది. మరింకేం! ఇన్ని లాభాలు ఉన్నప్పుడు వెనకడుగు వేస్తే సరి.
మరిన్ని వార్తల కోసం...