- మూడు బిల్లులకు ఆమోదం
హైదరాబాద్, వెలుగు: అసెంబ్లీ సమావేశాలు శనివారంతో ముగిశాయి. స్పీకర్ గడ్డం ప్రసాద్ కుమార్ సభను నిరవధికంగా వాయిదా వేశారు. అసెంబ్లీ సమావేశాలు 8 రోజుల పాటు కొనసాగాయని స్పీకర్ తెలిపారు. అసెంబ్లీ 45 గంటల 32 నిమిషాల పాటు కొనసాగిందని, ఈ సమావేశంలో రెండు తీర్మానాలు ప్రవేశపెట్టామని,
మూడు బిల్లులకు సభ ఆమోదం తెలిపిందని స్పీకర్ చెప్పారు.
59 మంది సభ్యులు చర్చల్లో పాల్గొన్నారని పేర్కొన్నారు. రెండు రోజులపాటు నిర్వహించిన జీరో అవర్లో 64 మంది సభ్యులు తమ ప్రాంత సమస్యలను ప్రభుత్వం దృష్టికి తెచ్చారని వెల్లడించారు. ఈ నెల 10న డిప్యూటీ సీఎం, ఫైనాన్స్ మినిస్టర్ భట్టి విక్రమార్క ఓటాన్ అకౌంట్ బడ్జెట్ ను ప్రవేశపెట్టారు. కులగణన తీర్మానాన్ని బీసీ సంక్షేమ శాఖ మంత్రి పొన్నం ప్రభాకర్ ప్రవేశపెట్టగా చర్చ తరువాత సభ ఏకగ్రీవంగా ఆమోదించింది.
