భారత వాతావరణ శాఖలో 990 సైంటిఫిక్‌ అసిస్టెంట్‌ పోస్టుల భర్తీకి స్టాఫ్‌ సెలక్షన్‌ కమిషన్‌ (ఎస్‌‌‌‌ఎస్‌‌‌‌సీ) నోటిఫికేషన్ రిలీజ్ చేసింది. డిగ్రీ/డిప్లొమా పూర్తిచేసిన వారు దరఖాస్తు చేసుకోవచ్చు.
ఎగ్జామ్ ప్యాటర్న్: పరీక్షను కంప్యూటర్‌ ఆధారిత విధానంలో నిర్వహిస్తారు. ఇందులో 200 ప్రశ్నలు వస్తాయి. ప్రతి ప్రశ్నకూ ఒక మార్కు చొప్పున 200 మార్కులకు ప్రశ్నపత్రం ఉంటుంది. ఇందులో రెండు విభాగాలుంటాయి. పార్ట్‌-1లో జనరల్‌ ఇంటెలిజెన్స్‌ అండ్‌ రీజనింగ్, క్వాంటిటేటివ్‌ ఆప్టిట్యూడ్, ఇంగ్లిష్‌ లాంగ్వేజ్‌ అండ్‌ కాంప్రహెన్షన్, జనరల్‌ అవేర్‌‌‌‌నెస్‌.. ఒక్కో విభాగం నుంచి 25 చొప్పున ప్రశ్నలు వస్తాయి. పార్ట్‌-2లో ఫిజిక్స్‌/ కంప్యూటర్‌ సైన్స్‌ అండ్‌ ఇన్ఫర్మేషన్‌ టెక్నాలజీ/ ఎలక్ట్రానిక్స్‌ అండ్‌ టెలి కమ్యూనికేషన్‌ ఇంజినీరింగ్‌ వీటిలో అభ్యర్థి ఎంచుకున్న విభాగం నుంచి వంద ప్రశ్నలు అడుగుతారు.
అర్హత: డిగ్రీలో ఒక సబ్జెక్టుగా ఫిజిక్స్‌/ కంప్యూటర్‌ సైన్స్‌/ ఇన్ఫర్మేషన్‌ టెక్నాలజీ/ కంప్యూటర్‌ అప్లికేషన్స్‌‌‌‌లో ఏదో ఒకటి చదివుండాలి. లేదా ఎలక్ట్రానిక్స్‌ అండ్‌ టెలికమ్యూనికేషన్‌ ఇంజినీరింగ్‌‌‌‌లో డిప్లొమా పూర్తిచేయాలి. డిగ్రీ లేదా డిప్లొమాలో ప్రథమ శ్రేణి మార్కులు తప్పనిసరి. అలాగే 10+2 (ఇంటర్‌)లో మ్యాథ్స్, ఫిజిక్స్‌ చదవాలి. వయసు 30 ఏళ్లకు మించరాదు.
పే స్కేల్‌: ఏడో వేతన సంఘం లెవెల్‌-6 ప్రకారం చెల్లిస్తారు. అంటే ఉద్యోగంలో చేరినవారు రూ.35,400 మూలవేతనం అందుకోవచ్చు. డీఏ, హెచ్‌‌‌‌ఆర్‌‌‌‌ఏ, ఇతర అలవెన్సులు కలుపుకుని వీరి నెల జీతం సుమారు రూ.60 వేల వరకు ఉంటుంది.
దరఖాస్తులు: అర్హులైన అభ్యర్థులు ఆన్‌‌‌‌లైన్లో అక్టోబర్ 18 వరకు దరఖాస్తు చేసుకోవాలి. అప్లికేషన్ ఫీజు రూ. 100 (మహిళలు, ఎస్సీ, ఎస్టీ, దివ్యాంగులు ఫీజు లేదు) చెల్లించాలి. పరీక్షలు డిసెంబరులో నిర్వహిస్తారు. తెలంగాణలో హైదరాబాద్, కరీంనగర్, వరంగల్‌‌‌‌లో పరీక్ష కేంద్రాలు ఉంటాయి. వివరాలకు www.ssc.nic.in వెబ్సైట్ను సంప్రదించాలి.
