డిచ్పల్లి, వెలుగు: తెలంగాణ యూనివర్సిటీ లో మంగళవారం విద్యార్థి సంఘాలు ఆందోళనకు దిగాయి. పీడీఎస్యూ, ఎన్ఎస్యూఐ, బీవీఎం, ఎస్ఎఫ్ఐ సంఘాల లీడర్లు, స్టూడెంట్లు వీసీ ఛాంబర్ను ముట్టడించారు. ఈసీ, వీసీ ఇష్టానుసారంగా రిజిస్ట్రార్ల ను నియమిస్తున్నారని ఆగ్రహం వ్యక్తం చేశారు. ఒక వర్సిటీ కి ఇద్దరు రిజిస్ట్రార్లను నియమించడం సిగ్గుచేటని అన్నారు. వీసీ రిజైన్ చేసి వెళ్లిపోవాలని, అవినీతి, అక్రమాలను కప్పిపుచ్చుకునేందుకే వీసీ ఇటువంటి నిర్ణయాలు తీసుకుంటున్నారని ఆరోపించారు.
ఉద్రిక్తత పరిస్తితులు నెలకొనడంతో పోలీసులు వారిని బయటకు పంపించారు. లీడర్లు రాజేశ్వర్, వేణురాజ్, విఠల్, సంతోష్, స్నేహిత, నిఖిల్ రెడ్డి, సయ్యద్ అహ్మద్, సందీప్ రెడ్డి తదితరులు పాల్గొన్నారు.
