కొత్తగూడెం నర్సింగ్ స్టూడెంట్ల దుస్థితి
విద్యార్థులకు ఆన్లైన్లోనే క్లాసులు
జాడలేని ఫ్యాకల్టీ, నాన్ టీచింగ్ స్టాఫ్
నర్సింగ్ కాలేజీకి అద్దె భవనమే దిక్కు
భద్రాద్రికొత్తగూడెం, వెలుగు: ‘జిల్లాకు నర్సింగ్, మెడికల్కాలేజీ రెండూ వచ్చాయి. ఇక మన్యం జిల్లాకు మహర్దశ పట్టనుంది. కాలేజీల భవనాల నిర్మాణాలకు ఫండ్స్ రిలీజ్ చేస్తున్నాం’.. అంటూ రెండేళ్ల కింద మంత్రులు హరీశ్రావు, పువ్వాడ అజయ్కుమార్ గొప్పగా చెప్పారు. అయితే ఇక్కడ పరిస్థితులు భిన్నంగా ఉన్నాయి. మొదట నర్సింగ్కాలేజీ కోసం కట్టిన భవనాన్ని ఉన్నతాధికారులు మెడికల్కాలేజీకి కేటాయించారు. దీంతో నర్సింగ్ కాలేజీకి ఓ భవనాన్ని అద్దెకు తీసుకున్నారు. దీనిలో సౌకర్యాలు లేక అడ్మిషన్తీసుకున్న విద్యార్థులు ఇబ్బందులు పడుతున్నారు. మరోవైపు బోధన, బోధనేతర సిబ్బంది కూడా లేరు. దీంతో ప్రత్యక్ష తరగతులకు కొనసాగడంలేదు. ఆన్ లైన్ క్లాస్ లతోనే విద్యార్థులు కాలం వెళ్లదీస్తున్నారు. దీంతో స్టూడెంట్స్ తోపాటు తల్లిదండ్రులు ఆందోళన చెందుతున్నారు.
మెడికల్కాలేజీ భవనం పూర్తయ్యే వరకు..
నర్సింగ్కాలేజీ కోసం పాల్వంచలోని మైనింగ్ కాలేజీ ఆవరణలో భవన నిర్మాణాన్ని 2021లో ప్రారంభించారు. బిల్డింగ్పూర్తయ్యే దశలో ఉండగానే దాన్ని ఉన్నతాధికారులు మెడికల్కాలేజీకి కేటాయించారు. ‘మొదట మెడికల్కాలేజీకి పర్మిషన్ రావాలంటే బిల్డింగ్ కావాలి. నర్సింగ్కాలేజీ సంగతి తర్వాత చూద్దాం’.. అంటూ పూర్తి అయిన భవనాన్ని మెడికల్కాలేజీకి అప్పగించారు. దీన్ని గతేడాది సీఎం కేసీఆర్ వర్చువల్ గా ప్రారంభించారు. మెడికల్ కాలేజీ బిల్డింగ్నిర్మాణం పూర్తయ్యేంత వరకు నర్సింగ్ కాలేజీ భవనాన్ని వాడుకోనున్నారు.
రెండు నెలలు పూర్తయినా...
నర్సింగ్కాలేజీకి అడ్మిషన్లు చేపట్టాలని ప్రభుత్వం గతేడాది ప్రిన్సిపాల్, వైస్ప్రిన్సిపాల్ను పంపించింది. పక్కా భవనం లేక కొత్తగూడెంలోని రామా టాకీస్రోడ్ లో ఉన్న ఓ బిల్డింగ్ను అద్దెకు తీసుకున్నారు. యజమానితో తాత్కాలిక ఒప్పందం చేసుకున్నారు. ప్రభుత్వం నుంచి రెంట్డిసైడ్ అయితే అగ్రిమెంట్ప్రకారం టాయ్లెట్స్, సౌకర్యాలు కల్పించేందుకు సిద్ధమని బిల్డింగ్ యజమాని అన్నట్టు తెలిసింది. ఈ క్రమంలో అడ్మిషన్ల ప్రక్రియకు శ్రీకారం చుట్టారు. 2022 డిసెంబర్ చివరి నాటికి 60 అడ్మిషన్లు పూర్తయ్యాయి. ఇది జరిగి రెండు నెలలు గడుస్తున్నా పూర్తిస్థాయిలో ఫ్యాకల్టీ రాలేదు. దీంతో స్టూడెంట్స్కొంత ఆందోళన చెందుతున్నారు. డిప్యూటేషన్ పై కొందరిని కేటాయిస్తామని ఉన్నతాధికారులు తెలిపారు. కాలేజీలో నాన్ టీచింగ్స్టాఫ్లో కేవలం ఏవో ఒక్కరే ఉన్నారు. మిగిలిన స్టాఫ్ లేరు. కాలేజీకి అవసరమైన ఫర్నిచర్ సహ ఇతర మౌళిక వసతులు లేవు. దీంతో ఆన్లైన్క్లాసెస్తో కాలం వెళ్లదీసే పరిస్థితి ఏర్పడింది. కనీసం కాలేజీ బోర్డు కూడా లేదు.
త్వరలో ప్రత్యక్ష తరగతులు..
త్వరలో ప్రత్యక్ష తరగతులు ప్రారంభిస్తాం. బెడ్స్, ఫర్నిచర్ పూర్తి స్థాయిలో రాక ఆన్లైన్ ద్వారా క్లాసెస్నడిపిస్తున్నాం. ఉన్నతాధికారులకు లెటర్పెట్టాం. డిప్యూటేషన్పై ఫ్యాకల్టీని పంపుతున్నారు. అద్దె బిల్డింగ్ లో మరిన్ని సౌకర్యాలు కల్పించాలని యజమానికి సూచించాం.
–జ్యోతి, నర్సింగ్కాలేజీ ప్రిన్సిపాల్
