నర్సింహులపేట, వెలుగు : మహబూబాబాద్ జిల్లాలోని నర్సింహులపేట మండలం బాసు తండా పంచాయతీ పరిధిలోని ప్రభుత్వ ప్రైమరీ స్కూల్ కు దారి లేక స్టూడెంట్లు బడికి వెళ్లలేకపోతున్నారు. దీనికి నిరసనగా మంగళవారం రోడ్డుపై బైఠాయించారు. దీంతో టీచర్అక్కడికే వచ్చి పాఠాలు చెప్పాడు. 2010లో తండాకు చెందిన ఒక దాత తన మూడు గుంటల వ్యవసాయ భూమిని స్కూల్ కోసం ఇచ్చాడు. అక్కడ బడి నిర్మించగా విద్యార్థులు కెనాల్ దారి వెంట వెళ్లేవారు. కొందరు ఆ కెనాల్ దారిని అక్రమించుకోవడంతో పొలం గట్లపై నుంచి వెళ్లడం స్టార్ట్ చేశారు.
ఈ మధ్య రైతులు వరి నాట్లు వేసి.. తమ గట్లపై నుంచి వెళ్లవద్దని హెచ్చరించారు. దీంతో రెండు రోజుల నుంచి 22 మంది స్టూడెంట్లు బడికి వెళ్లడం లేదు. ఈ క్రమంలో తమకు దారి కావాలని బుధవారం మెయిన్ రోడ్డుపై బైఠాయించారు. తల్లిదండ్రులు కూడా వారి వెంట వచ్చారు. ఇట్లయితే తమ పిల్లలు ఎట్లా చదువుకుంటారని..అధికారులు ఆలోచించాలని విజ్ఞప్తి చేశారు. పిల్లలు స్కూల్ కు రాకపోవడంతో విషయం తెలుసుకున్న టీచర్ సుదర్శన్ అక్కడికే వచ్చి పాఠాలు చెప్పారు. పోలీసులు వచ్చి స్టూడెంట్లు, వారి తల్లిదండ్రులతో మాట్లాడి సర్ది చెప్పి పంపించారు. ఇంత జరిగినా సంబంధిత ఆఫీసర్లు మాత్రం రాలేదు.
