గద్వాల, వెలుగు : స్కూల్లో మిడ్ డే మీల్స్ క్వాలిటీగా పెట్టడం లేదని జడ్పీ చైర్పర్సన్ సరితకు స్టూడెంట్స్ ఫిర్యాదు చేశారు. బుధవారం కేటిదొడ్డి మండలం నందిని హై స్కూల్ను ఆమె తనిఖీ చేశారు. ఈ సందర్భంగా స్టూడెంట్స్ తమ స్కూల్లో సరైన భోజనం పెట్టడం లేదని, అన్నం తినలేక పోతున్నామని వాపోయారు.
టీచర్స్ కొరత ఉందని, తమకు చదువు చెప్పే వారే కరువయ్యారని వాపోయారు. దీంతో చైర్పర్సన్ కిచెన్ రూమ్ కి వెళ్లి అన్నం, కూరలను పరిశీలించారు. క్వాలిటీ ఫుడ్ పెట్టకపోతే కఠిన చర్యలు తీసుకుంటామని హెచ్చరించారు. ఎంఈవో సురేశ్కు ఫోన్ చేసి సమస్య పరిష్కరించాలని ఆదేశించారు. ఆమె వెంట కాంగ్రెస్ పార్టీ లీడర్లు తిరుపతయ్య, మధుసూదన్ బాబు, గీత ఉన్నారు.
