V6 News Velugu

ఫ్రెండ్ మరణాన్ని తట్టుకోలేక యువకుడి సూసైడ్

V6 Velugu Posted on Oct 11, 2021

తూప్రాన్, వెలుగు: ఫ్రెండ్​మరణాన్ని తట్టుకోలేకపోయిన మెదక్ ​జిల్లాకు చెందిన యువకుడు పురుగుల మందు తాగి సూసైడ్​ చేసుకున్నాడు. తూప్రాన్ మున్సిపల్​పరిధిలోని రావెల్లికి చెందిన భారతమ్మ, సత్తయ్య కొడుకు గిరికుమార్(26) కూలీ. రెండేళ్ల క్రితం సింగన్నగూడెంకు చెందిన దీక్షతో అతనికి పెండ్లయ్యింది. 2 నెలల కొడుకు ఉన్నాడు. తాగుడికి బానిసైన గిరి కూలీ డబ్బులు ఇంట్లో ఇవ్వకుండా కొన్నిరోజులుగా ఇబ్బందులు పెడుతున్నాడు. ఇదిలా ఉండగా వారం కింద గిరి ప్రాణ స్నేహితుడైన మల్లేశం పురుగుల మందు తాగి ఆత్మహత్య చేసుకున్నాడు. అప్పటి నుంచి గిరి మనస్తాపం చెందాడు. శుక్రవారం సాయంత్రం మల్లేశం​తో దిగిన ఫొటోను వాట్సాప్ ​స్టేటస్​ పెట్టుకుని కింద ‘నిన్ను వదిలి ఉండలేక పోతున్నారా.. అందుకే నీ దగ్గరకి వస్తున్నా’ అని రాశాడు. ఆ తర్వాత పురుగుల మందు తాగాడు. గమనించిన స్థానికులు, కుటుంబ సభ్యులు వెంటనే తూప్రాన్ గవర్నమెంట్ హాస్పిటల్​కు తరలించారు. సీరియస్​గా ఉండడంతో అక్కడి నుంచి హైదరాబాద్​ఉస్మానియాకు తీసుకెళ్లారు. చికిత్స పొందుతూ ఆదివారం చనిపోయాడు. మృతుడి కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తూప్రాన్ ఎస్సై సురేశ్​కుమార్ తెలిపారు.
 

Tagged death, Young Man, Medak, suicide, friend sucide