- ఏఐసీసీ మీడియా కోఆర్డినేటర్సు జాత పాల్ ఆదేశాలు
హైదరాబాద్, వెలుగు: బీఆర్ఎస్ నేతల విమర్శలకు ఎప్పటికప్పుడు కౌంటర్ ఇవ్వాలని కాంగ్రెస్ పార్టీ నిర్ణయించింది. అసెంబ్లీ ఎన్నికల్లో అనుసరించిన వ్యూహాన్నే ఫాలో కావాలని నేతలకు ఆదేశాలిచ్చింది. బీఆర్ఎస్ విమర్శలను సీఎం, మంత్రులు, ఎమ్మెల్యేలు ఇప్పటికే తిప్పికొడుతుండగా.. పార్టీ అధికార ప్రతినిధులు ఈ విషయంలో ముందుండాలని సూచించింది. శనివారం గాంధీభవన్లో పార్టీ అధికార ప్రతినిధులతో ఏఐసీసీ మీడియా తెలంగాణ కో ఆర్డినేటర్ సుజాత పాల్ సమావేశమయ్యారు.
బీఆర్ఎస్ నేతల విమర్శలను ఎలా తిప్పికొట్టాలనే దానిపై చర్చించారు. 17 లోక్సభ స్థానాలకు 17 మంది అధికార ప్రతినిధులను ఇన్‌‌‌‌‌‌‌‌చార్జులుగా నియమించాలని నిర్ణయించారు. గాంధీభవన్లోనూ ఇద్దరు అధికార ప్రతినిధులు నిత్యం ప్రెస్మీట్లు పెట్టేలా బాధ్యతలను అప్పగించనున్నారు. అసెంబ్లీ ఎన్నికలయ్యాక కొందరు అధికార ప్రతినిధులు సైలెంట్ అయ్యారని, ఇలా అయితే కుదరదని ఆమె అన్నట్టుగా తెలిసింది.
యాక్టివ్గా పనిచేయాలని ఆదేశించారని సమాచారం. లోక్సభ ఎన్నికలకు ఇప్పటి నుంచే సన్నద్ధమవ్వాలని ఆదేశాలిచ్చినట్టు తెలిసింది. బీఆర్ఎస్, బీజేపీ నేతల విమర్శలకు కౌంటర్లు ఇచ్చేందుకు రెడీ అవ్వాలని సూచించినట్టు సమాచారం.
