ఐకాన్ స్టార్ అల్లు అర్జున్(Allu arjun) హీరోగా క్రియేటీవ్ డైరెక్టర్ సుకుమార్(Sukumar) కాంబోలో వస్తున్న మూవీ పుష్ప2 ది రూల్(Pushpa2 the rule). పుష్ప సినిమాకు సీక్వెల్ గా వస్తున్న ఈ సినిమాపై ఇప్పటికే భారీ అంచనాలున్నాయి. అల్లు అర్జున్ ఫ్యాన్స్ మాత్రమే కాదు నార్మల్ ఆడియన్స్ కూడా ఈ సినిమా కోసం చాలా కాలంగా ఎదురుచూస్తున్నారు. పార్ట్ 1 భారీ విజయం సాధించిన నేపథ్యంలో పార్ట్ 2 కోసం చాలా జాగ్రత్తలు తీసుకుంటున్నారు మేకర్స్. దీంతో పుష్ప 2 గురించి వినిపిస్తున్న చిన్న న్యూస్ అయినా క్షణాల్లో ట్రెండ్ అవుతోంది. ఇప్పటికే 60% షూటింగ్ కంప్లీట్ చేసుకున్న ఈ సినిమా వచ్చే ఏడాది ఆగస్టు 15న ప్రేక్షకుల ముందుకు రానుంది.
ఇదిలా ఉంటే.. పుష్ప 2 తాజా షెడ్యూల్ హైదరాబాద్ లో మొదలైందట. ఈ షెడ్యూల్ లో జాతరకు సంబంధించిన యాక్షన్ సీక్వెన్స్ ను తెరకెక్కించనున్నారట దర్శకుడు. గతంలో ఈ సినిమా నుంచి రిలీజ్ చేసిన అల్లు అర్జున్ తిరుపతి గంగమ్మ జాతర లుక్ ఎంత ట్రెండ్ అయ్యిందో ప్రత్యేకంగా చెప్పాల్సిన పనిలేదు. దీంతో ఇప్పుడు జరుగుతున్న జాతర షూట్ లో అల్లు అర్జున్ అదే లుక్ లో కనిపిస్తారని, ఈ యాక్షన్ సీక్వెన్స్ సినిమాకే హైలెట్ గా నిలుస్తుందని కామెంట్స్ వినిపిస్తున్నాయి. అంతేకాదు అమ్మవారి గెటప్ లో అల్లు అర్జున్ చేసే మాస్ జాతర థియేటర్స్ లో ఆడియన్స్ కు పూనకాలు తెప్పిస్తుందని టాక్.
